43 ára fimleikakonan sem var hársbreidd frá verðlaunum á HM Ástrós Ýr Eggertsdóttir skrifar 5. nóvember 2018 14:00 Chusovitina sker sig út úr hópnum, ekki bara vegna aldurs, heldur lætur hún glimmeraugnskuggana og skrautteygjurnar alveg vera Vísir/Getty Oksana Chusovitina er ekki verðlaunaðasti fimleikamaður heims og nafn hennar ratar ekki í fyrirsagnirnar mót eftir mót. Saga hennar er hins vegar ein sú magnaðasta í fimleikaheiminum. Á HM í Katar í liðinni viku var Chusovitina einu skrefi frá því að ná í bronsverðlaun í keppni í stökki. Það hefðu verið hennar 12. verðlaun á heimsmeistaramóti á þrjátíu og sex ára fimleikaferli. Já, þið lásuð rétt. Chusovitina hefur lagt stund á fimleika síðan 1982 og er enn að keppa við þær bestu. Stökk til að bjarga lífi sonar sínsChusovitina í loftinu á HM í Katarvísir/gettyChusovitina er fædd árið 1975 í Úsbekistan. Hún keppti fyrst á alþjóðavettvangi fyrir Sovétríkin en snéri til heimalandsins eftir upplausn þeirra. Þar æfði hún við aðstæður sem flestir keppinautar hennar hefðu ekki látið bjóða sér en vann samt til verðlauna. Árið 2002 var Chusovitina að hugsa um að láta gott heita, enda orðin 27 ára gömul. Þá greindist þriggja ára sonur hennar Alisher með hvítblæði. Alisher átti enga von í Úsbekistan. Heilbrigðiskerfið þar í landi var ekki í stakk búið til þess að hjálpa honum svo Chusovitina flutti til Þýskalands. Fimleikasamfélagið í Þýskalandi hjálpaði til við að safna pening fyrir meðferð Alisher og Chusovitina hélt áfram að æfa og keppa í fimleikum til þess að safna sér inn verðlaunafé. „Ef ég keppi ekki þá fær sonur minn ekki að lifa,“ sagði Chusovitina. Sex árum síðar vann Chusovitina sín fyrstu einstaklingsverðlaun á Ólympíuleikum. Hún hlaut silfurverðlaun í stökki, 0,075 stigum á eftir gullverðlaunahafanum Hong Un Jong. Nokkrum dögum seinna fékk Chusovitina þær fréttir að Alisher væri orðinn laus við hvítblæðið. Stefnir á áttundu ÓlympíuleikanaChusovitina varð fimmta í stökki á Ólympíuleikunum í London 2012. Þegar keppni lauk sagði hún þetta komið gott og tilkynnti að hún væri hætt keppni í fimleikum. Þegar hún vaknaði daginn eftir tók hún ákvörðunina til baka. 41 árs gömul mætti Chusovitina á Ólympíuleikana í Ríó 2016. Þar reyndi hún við stökk sem kallast Produnova en á sér gælunafnið stökk dauðans. Stökk svo hættulegt að ekki einu sinni Simone Biles reynir við það.Chusovitina á palli á HM 2011 með McKayla Maroney og Thi Ha Thanh Phanvísir/gettyLeikarnir í Ríó voru sjöundu leikar Chusovitina. Enginn fimleikakona hefur keppt á svo mörgum leikum, enda fæstir sem ná að vera í hæsta gæðaflokki í íþróttinni í lengri tíma en sem nemur tveimur til þremur leikum. Hún stefnir hraðbyr á sína áttundu leika í Tókýó 2020. „Ég get keppt við stelpurnar án nokkurs vanda, ég veit það. Núna er ég með markmið,“ sagði Chusovitina eftir mótið í Doha í síðustu viku. Oksana Chusovitina er eini fimleikamaðurinn, karl- eða kvenkyns, sem hefur verið vígður inn í frægðarhöll íþróttarinnar á meðan hún er enn að. „Mér finnst eins og ég skilji lítinn part af mér eftir í hvert skipti sem ég keppi,“ sagði Chusovitina við vígsluna. Hún hafði rétt fyrir sér. Í Katar voru fjórar aðrar stúlkur að keppa sem voru mæður. Fordæmi Chusovitina hafði fengið þær allar til þess að trúa að þær gætu snúið til baka eftir barnsburð. Árið 2020 verður Chusovitina 45 ára. Simone Biles, Shallon Olsen og Alexa Moreno, þær þrjár sem höfðu betur en Chusovitina í stökkinu í Katar, verða 23ja, 20 og 26 ára. Fimleikar Úsbekistan Mest lesið Enni ungs sonar Man. Utd leikmanns í tvennt Enski boltinn Uppgjörið: Afturelding - Valur 31-23 | Mosfellingar jöfnuðu metin með stæl Handbolti Dramatík í Manchester Enski boltinn Eygló ætlar að vinna Ólympíugull: „Ég hlýði bara Vésteini“ Sport Uppgjörið: Þróttur - Breiðablik 2-2 | Samantha bjargaði stigi Íslenski boltinn Reyndi að stela nærfatnaði leikmanna Fótbolti Einhentur en ætlar í nýliðaval NBA Körfubolti Kom þriðja liðinu upp í ensku úrvalsdeildina í fyrstu tilraun Enski boltinn Bæði Akranesliðin fengu heimaleik í bikarnum Íslenski boltinn Uppgjörið: Valur - Haukar 80-82 | Köstuðu sigrinum frá sér og klikkuðu á vítunum Körfubolti Fleiri fréttir „Svona er úrslitakeppnin“ ÍR í undanúrslit eftir sigur með minnsta mun „Við töpum boltanum í annarri hverri sókn“ KA Íslandsmeistari kvenna í blaki: Unnu allt sem hægt var að vinna Uppgjörið: Þróttur - Breiðablik 2-2 | Samantha bjargaði stigi „Ætla að leyfa mér að vona að við séum að nálgast“ Uppgjörið: Valur - Haukar 80-82 | Köstuðu sigrinum frá sér og klikkuðu á vítunum „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Olmo hetja Börsunga Elvar Örn frábær þegar Melsungen marði sigur Leik lokið: Afturelding - Valur 31-23 | Mosfellingar jöfnuðu metin með stæl Dramatík í Manchester Stutt stopp í Vesturbæ: Valor aftur til Eyja Uppgjörið: Fram - FH 0-2 | Nýliðarnir enn án sigurs „LeBron þarf að fara í P. J. Washington hlutverkið“ Anton og Jónas dæma stórleikinn í Ungverjalandi Leikmenn ÍBV hjálpuðu til við að færa sætin á milli valla í Eyjum Stólarnir afar öflugir þegar glittir í lokaúrslitin United vill fá Cunha Kom þriðja liðinu upp í ensku úrvalsdeildina í fyrstu tilraun Bæði Akranesliðin fengu heimaleik í bikarnum Einhentur en ætlar í nýliðaval NBA Leggja til að byggja nýjan San Siro neðanjarðar Leið eins og BBC vildi losna við hann úr Match of the Day Nico Harrison: Áttaði mig ekki á hversu sterk ást þeirra á Luka var Komin átta mánuði á leið en kláraði fimm kílómetra á tuttugu mínútum Falko áfram í Breiðholtinu Reyna að lesa eitthvað út úr fagni Trents Alexander-Arnold Sjá meira
Oksana Chusovitina er ekki verðlaunaðasti fimleikamaður heims og nafn hennar ratar ekki í fyrirsagnirnar mót eftir mót. Saga hennar er hins vegar ein sú magnaðasta í fimleikaheiminum. Á HM í Katar í liðinni viku var Chusovitina einu skrefi frá því að ná í bronsverðlaun í keppni í stökki. Það hefðu verið hennar 12. verðlaun á heimsmeistaramóti á þrjátíu og sex ára fimleikaferli. Já, þið lásuð rétt. Chusovitina hefur lagt stund á fimleika síðan 1982 og er enn að keppa við þær bestu. Stökk til að bjarga lífi sonar sínsChusovitina í loftinu á HM í Katarvísir/gettyChusovitina er fædd árið 1975 í Úsbekistan. Hún keppti fyrst á alþjóðavettvangi fyrir Sovétríkin en snéri til heimalandsins eftir upplausn þeirra. Þar æfði hún við aðstæður sem flestir keppinautar hennar hefðu ekki látið bjóða sér en vann samt til verðlauna. Árið 2002 var Chusovitina að hugsa um að láta gott heita, enda orðin 27 ára gömul. Þá greindist þriggja ára sonur hennar Alisher með hvítblæði. Alisher átti enga von í Úsbekistan. Heilbrigðiskerfið þar í landi var ekki í stakk búið til þess að hjálpa honum svo Chusovitina flutti til Þýskalands. Fimleikasamfélagið í Þýskalandi hjálpaði til við að safna pening fyrir meðferð Alisher og Chusovitina hélt áfram að æfa og keppa í fimleikum til þess að safna sér inn verðlaunafé. „Ef ég keppi ekki þá fær sonur minn ekki að lifa,“ sagði Chusovitina. Sex árum síðar vann Chusovitina sín fyrstu einstaklingsverðlaun á Ólympíuleikum. Hún hlaut silfurverðlaun í stökki, 0,075 stigum á eftir gullverðlaunahafanum Hong Un Jong. Nokkrum dögum seinna fékk Chusovitina þær fréttir að Alisher væri orðinn laus við hvítblæðið. Stefnir á áttundu ÓlympíuleikanaChusovitina varð fimmta í stökki á Ólympíuleikunum í London 2012. Þegar keppni lauk sagði hún þetta komið gott og tilkynnti að hún væri hætt keppni í fimleikum. Þegar hún vaknaði daginn eftir tók hún ákvörðunina til baka. 41 árs gömul mætti Chusovitina á Ólympíuleikana í Ríó 2016. Þar reyndi hún við stökk sem kallast Produnova en á sér gælunafnið stökk dauðans. Stökk svo hættulegt að ekki einu sinni Simone Biles reynir við það.Chusovitina á palli á HM 2011 með McKayla Maroney og Thi Ha Thanh Phanvísir/gettyLeikarnir í Ríó voru sjöundu leikar Chusovitina. Enginn fimleikakona hefur keppt á svo mörgum leikum, enda fæstir sem ná að vera í hæsta gæðaflokki í íþróttinni í lengri tíma en sem nemur tveimur til þremur leikum. Hún stefnir hraðbyr á sína áttundu leika í Tókýó 2020. „Ég get keppt við stelpurnar án nokkurs vanda, ég veit það. Núna er ég með markmið,“ sagði Chusovitina eftir mótið í Doha í síðustu viku. Oksana Chusovitina er eini fimleikamaðurinn, karl- eða kvenkyns, sem hefur verið vígður inn í frægðarhöll íþróttarinnar á meðan hún er enn að. „Mér finnst eins og ég skilji lítinn part af mér eftir í hvert skipti sem ég keppi,“ sagði Chusovitina við vígsluna. Hún hafði rétt fyrir sér. Í Katar voru fjórar aðrar stúlkur að keppa sem voru mæður. Fordæmi Chusovitina hafði fengið þær allar til þess að trúa að þær gætu snúið til baka eftir barnsburð. Árið 2020 verður Chusovitina 45 ára. Simone Biles, Shallon Olsen og Alexa Moreno, þær þrjár sem höfðu betur en Chusovitina í stökkinu í Katar, verða 23ja, 20 og 26 ára.
Fimleikar Úsbekistan Mest lesið Enni ungs sonar Man. Utd leikmanns í tvennt Enski boltinn Uppgjörið: Afturelding - Valur 31-23 | Mosfellingar jöfnuðu metin með stæl Handbolti Dramatík í Manchester Enski boltinn Eygló ætlar að vinna Ólympíugull: „Ég hlýði bara Vésteini“ Sport Uppgjörið: Þróttur - Breiðablik 2-2 | Samantha bjargaði stigi Íslenski boltinn Reyndi að stela nærfatnaði leikmanna Fótbolti Einhentur en ætlar í nýliðaval NBA Körfubolti Kom þriðja liðinu upp í ensku úrvalsdeildina í fyrstu tilraun Enski boltinn Bæði Akranesliðin fengu heimaleik í bikarnum Íslenski boltinn Uppgjörið: Valur - Haukar 80-82 | Köstuðu sigrinum frá sér og klikkuðu á vítunum Körfubolti Fleiri fréttir „Svona er úrslitakeppnin“ ÍR í undanúrslit eftir sigur með minnsta mun „Við töpum boltanum í annarri hverri sókn“ KA Íslandsmeistari kvenna í blaki: Unnu allt sem hægt var að vinna Uppgjörið: Þróttur - Breiðablik 2-2 | Samantha bjargaði stigi „Ætla að leyfa mér að vona að við séum að nálgast“ Uppgjörið: Valur - Haukar 80-82 | Köstuðu sigrinum frá sér og klikkuðu á vítunum „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Olmo hetja Börsunga Elvar Örn frábær þegar Melsungen marði sigur Leik lokið: Afturelding - Valur 31-23 | Mosfellingar jöfnuðu metin með stæl Dramatík í Manchester Stutt stopp í Vesturbæ: Valor aftur til Eyja Uppgjörið: Fram - FH 0-2 | Nýliðarnir enn án sigurs „LeBron þarf að fara í P. J. Washington hlutverkið“ Anton og Jónas dæma stórleikinn í Ungverjalandi Leikmenn ÍBV hjálpuðu til við að færa sætin á milli valla í Eyjum Stólarnir afar öflugir þegar glittir í lokaúrslitin United vill fá Cunha Kom þriðja liðinu upp í ensku úrvalsdeildina í fyrstu tilraun Bæði Akranesliðin fengu heimaleik í bikarnum Einhentur en ætlar í nýliðaval NBA Leggja til að byggja nýjan San Siro neðanjarðar Leið eins og BBC vildi losna við hann úr Match of the Day Nico Harrison: Áttaði mig ekki á hversu sterk ást þeirra á Luka var Komin átta mánuði á leið en kláraði fimm kílómetra á tuttugu mínútum Falko áfram í Breiðholtinu Reyna að lesa eitthvað út úr fagni Trents Alexander-Arnold Sjá meira