Fylkir skellti HK og er skrefi nær úrvalsdeildarsæti

Fylkir kom flestum á óvart og gerði sér lítið fyrir og vann HK í fyrstu viðureign liðanna í umspili um laust sæti í Olís-deild kvenna á nsætu leiktíð, 24-22.

Fylkir, sem lék í Grill66-deildinni á leiktíðinni, var fjórum mörkum yfir í hálfleik og unnu að lokum með tveimur mörkum. Sterkur sigur Fylkis í Digranesinu.

HK réð ekkert við Hrafnhildi Irmu Jónsdóttur en hún skoraði tólf mörk. Næst kom Berglind Björnsdóttir með fimm mörk.

Díana Kristín Sigmarsdóttir skoraði tíu mörk fyrir HK en næst kom Valgerður Ýr Þorsteinsdóttir með sex mörk.

Fyrsta liðið til þess að vinna þrjá leiki leikur í Olís-deildinni á næstu leiktíð.