Uppselt á Laugardalsvöll í kvöld

Uppselt er á leik Íslands og Tyrklands sem fer fram á Laugardalsvelli í kvöld en leikurinn er liður í undankeppni EM 2020.

Knattspyrnusamband Íslands tilkynnti þetta á miðlum sínum nú í morgun en ekki var uppselt fyrr en snemma í morgun.

Það er uppselt á leik Íslands og Tyrklands í dag!

Það er bongó! Mætum snemma á völlinn og hvetjum strákana til sigurs!

Förum saman á EM 2020!#fyririslandpic.twitter.com/yWSSX9o4e6

— Knattspyrnusambandið (@footballiceland) June 11, 2019

Ekki var uppselt á leik Íslands og Albaníu á laugardaginn en um níu þúsund manns voru á leiknum sem vannst 1-0 með glæsilegu marki Jóhanns Bergs Guðmundssonar.

Vísir mun að sjálfsögðu fylgjast vel með gangi mála í kvöld og hefst upphitun klukkan 17.30.