Skortir sönnunargögn í nauðgunarmáli Neymar

Rannsókn á meintri nauðgun brasilísku knattspyrnustjörnunnar Neymar hefur verið stöðvuð vegna skorts á sönnunargögnum en lögregluyfirvöld í Sao Paulo í Brasilíu sjá um málið.

Saksóknarar hafa nú 15 daga til að taka ákvörðun um hvort eigi að fara lengra með málið.

Hinn 27 ára gamli Neymar hefur alltaf neitað sök í málinu en hann mætti til skýrslutöku vegna málsins fyrr í sumar.

Konan sem sakar Neymar um nauðgun er brasilísk en þau kynntust á samskiptamiðlinum Instagram og hittust á hóteli í París í maí á þessu ári. Neymar er leikmaður franska stórveldisins PSG.