Ákærður fyrir gróf kynferðisbrot og hótanir í garð þroskaskertra kvenna Kolbeinn Tumi Daðason skrifar 23. ágúst 2019 11:38 Maðurinn braut á einni konunni í bíl í Heiðmörk. Vísir/Vilhelm 55 ára karlmaður hefur verið ákærður fyrir kynferðisbrot gegn fjórum konum sem allar eru með þroskaskerðingu. Málið var þingfest í Héraðsdómi Reykjavíkur í dag en þinghald er lokað eins og tíðkast í kynferðisbrotamálum. Ákæran á hendur honum er í fimm liðum en brotin er hann sagður hafa framið á árunum 2014 til 2018. Brotin eru margs konar. Mörg kynferðisleg, þar á meðal nauðganir en sömuleiðis hótanir um að drepa sjálfan sig eða birta nektarmyndir kvennanna. Þá blekkti hann eina konuna um það hver hann væri og fékk aðra til að taka peninga út úr hraðbanka fyrir sig. Maðurinn þekkti allar konurnar og var meðvitaður um þroskaskerðingu þeirra, samkvæmt því sem fram kemur í ákæru. Hann mun þó ekki vera bundinn konunum fjölskylduböndum. Þá er hann í nálgunarbanni gagnvart fimmtu konunni og barnungri dóttur hennar. Einkaréttakrafa kvennanna fjögurra hljóðar upp á tíu milljónir króna samanlagt.Brot í bíl og verslunarmiðstöð Í fyrsta ákæruliðnum er maðurinn ákærður fyrir að hafa nýtt sér yfirburði gegn og aðstöðumun gagnvart konu sem gat ekki skilið þýðingu verknaðarins en honum var kunnugt um fötlun hennar vegna tengsla þeirra. Brotin voru gróf og áttu sér stað árið 2014 í bíl í Heiðmörk, salerni í Holtagörðum og á heimili hennar. Viðurlög við brotunum varða allt að sextán ára fangelsi. Þá á hann að hafa fengið konuna til að taka fé út úr hraðbanka sem hann nýtti til eigin nota. Brotið varðar 253. grein almennra hegningarlaga sem varðar allt að tveggja ára fangelsi.Hótanir á Messenger Í þriðja ákærulið er honum gefin að sök blygðunarsemi með því að hafa á rúmlega tveggja ára tímabili sýnt af sér lostugt athæfi og sært blygðunarsemi þroskaskertrar konu er hann beitti hana blekkingum um það hver hann væri og síðan hvers eðlis samband þeirra væri. Notaði maðurinn samskiptaforritið Messenger í þeim tilgangi að eiga í kynferðislegum samskiptum við hana og fá hana til að senda sér kynferðislegar myndir af henni sjálfri, segir í ákæru. Þá er hann ákærður fyrir hótanir með því að hafa í tvígang í samskiptum sínum við konuna á samskiptaforritinu Messenger árið 2016 hótað að birta opinberlega kynferðislegar myndir sem hún hafði áður sent honum í trúnaði þeirra á milli. Myndirnar sýndu nakin kynfæri hennar og brjóst. Hótanir ákærða voru til þess fallnar að vekja hjá konunni ótta um heilbrigði og velferð sína.Milljóna króna bótakröfur Þá er maðurinn ákærður fyrir nauðgun með því að hafa í eitt skipti í kyrrstæðri bifreið í Reykjavík árið 2015 eða 2016 nýtt sér yfirburði og aðstöðumun gagnvart tveimur þroskaskertum konum og brotið kynferðislega á þeim. Jafnframt er hann ákærður fyrir að hafa beitt þroskaskerta konu ólögmætri nauðung og nýtt sér yfirburði og aðstöðumun til að fá hana til kynferðislegra athafna. Konan er sögð ekki hafa getið skilið þýðingu verknaðarins en honum var kunnugt um fötlun hennar. Þá er honum sömuleiðis gefin að sök blygðunarsemi gagnvart þriðju konu með því að hafa yfir árs tímabil sýnt af sér lostugt athæfi og sært blygðunarsemi konunnar þegar hann beitti hanan blekkingum. Lofaði hann konunni peningagreiðslum og hótaði að drepa sig í gegnum samskiptaforritið Messenger í þeim tilgangi að fá hana til að senda sér myndir af brjóstum hennar og kynfærum. Einkaréttarkröfur kvennanna eru á bilinu ein til þrjár og hálf milljóna króna en nemur tíu milljónum króna samanlagt. Landsréttur staðfesti í vikunni nálgunarbann og brottvísun af heimili yfir manninum gagnvart fimmtu konunni og barnungri dóttur hennar. Í greinagerð lögreglustjóra kemur fram að maðurinn sé undir rökstuddum grun um kynferðis- og ofbeldisbrot, hótanir, áreiti og ónæði gagnvart konunni, dóttur hennar og nátengdum fjölskyldumeðlimum og heimili þannig að hann hafi raskað friði þeirra. Jón Bjarni Kristjánsson, lögmaður mannsins, vildi ekkert láta hafa eftir sér þegar eftir því var leitað.Bocciaþjálfari á Akureyri hlaut í ágúst í fyrra fjögurra ára dóm fyrir kynferðisbrot gegn þroskaskertri konu. Dómsmál Kynferðisofbeldi Lögreglumál Mest lesið Ekki séð neitt þessu líkt á sínum fjörutíu ára ferli Innlent Er við góða líkamlega heilsu en heilinn að „bregðast honum“ Erlent Málafjöldi tvöfaldast milli ára: „Hálfur milljarður farinn nú þegar“ Innlent Málverk stolið af nasistum fannst í argentískri fasteignaauglýsingu Erlent Kynna drög að nýrri stefnu í heilbrigðismálum Innlent Minntust þess ekki að hafa brennt tösku fyrir Stefán Blackburn Innlent Kallar bandarískan erindreka á teppið vegna Grænlandsmála Erlent 50 prósenta tollar á indverskar vörur taka gildi í Bandaríkjunum Erlent Sakar eftirlitsaðila um að framfylgja ekki leigubílalögum Innlent Gríðarstór sandstormur olli usla í Arizona Erlent Fleiri fréttir Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjá meira
55 ára karlmaður hefur verið ákærður fyrir kynferðisbrot gegn fjórum konum sem allar eru með þroskaskerðingu. Málið var þingfest í Héraðsdómi Reykjavíkur í dag en þinghald er lokað eins og tíðkast í kynferðisbrotamálum. Ákæran á hendur honum er í fimm liðum en brotin er hann sagður hafa framið á árunum 2014 til 2018. Brotin eru margs konar. Mörg kynferðisleg, þar á meðal nauðganir en sömuleiðis hótanir um að drepa sjálfan sig eða birta nektarmyndir kvennanna. Þá blekkti hann eina konuna um það hver hann væri og fékk aðra til að taka peninga út úr hraðbanka fyrir sig. Maðurinn þekkti allar konurnar og var meðvitaður um þroskaskerðingu þeirra, samkvæmt því sem fram kemur í ákæru. Hann mun þó ekki vera bundinn konunum fjölskylduböndum. Þá er hann í nálgunarbanni gagnvart fimmtu konunni og barnungri dóttur hennar. Einkaréttakrafa kvennanna fjögurra hljóðar upp á tíu milljónir króna samanlagt.Brot í bíl og verslunarmiðstöð Í fyrsta ákæruliðnum er maðurinn ákærður fyrir að hafa nýtt sér yfirburði gegn og aðstöðumun gagnvart konu sem gat ekki skilið þýðingu verknaðarins en honum var kunnugt um fötlun hennar vegna tengsla þeirra. Brotin voru gróf og áttu sér stað árið 2014 í bíl í Heiðmörk, salerni í Holtagörðum og á heimili hennar. Viðurlög við brotunum varða allt að sextán ára fangelsi. Þá á hann að hafa fengið konuna til að taka fé út úr hraðbanka sem hann nýtti til eigin nota. Brotið varðar 253. grein almennra hegningarlaga sem varðar allt að tveggja ára fangelsi.Hótanir á Messenger Í þriðja ákærulið er honum gefin að sök blygðunarsemi með því að hafa á rúmlega tveggja ára tímabili sýnt af sér lostugt athæfi og sært blygðunarsemi þroskaskertrar konu er hann beitti hana blekkingum um það hver hann væri og síðan hvers eðlis samband þeirra væri. Notaði maðurinn samskiptaforritið Messenger í þeim tilgangi að eiga í kynferðislegum samskiptum við hana og fá hana til að senda sér kynferðislegar myndir af henni sjálfri, segir í ákæru. Þá er hann ákærður fyrir hótanir með því að hafa í tvígang í samskiptum sínum við konuna á samskiptaforritinu Messenger árið 2016 hótað að birta opinberlega kynferðislegar myndir sem hún hafði áður sent honum í trúnaði þeirra á milli. Myndirnar sýndu nakin kynfæri hennar og brjóst. Hótanir ákærða voru til þess fallnar að vekja hjá konunni ótta um heilbrigði og velferð sína.Milljóna króna bótakröfur Þá er maðurinn ákærður fyrir nauðgun með því að hafa í eitt skipti í kyrrstæðri bifreið í Reykjavík árið 2015 eða 2016 nýtt sér yfirburði og aðstöðumun gagnvart tveimur þroskaskertum konum og brotið kynferðislega á þeim. Jafnframt er hann ákærður fyrir að hafa beitt þroskaskerta konu ólögmætri nauðung og nýtt sér yfirburði og aðstöðumun til að fá hana til kynferðislegra athafna. Konan er sögð ekki hafa getið skilið þýðingu verknaðarins en honum var kunnugt um fötlun hennar. Þá er honum sömuleiðis gefin að sök blygðunarsemi gagnvart þriðju konu með því að hafa yfir árs tímabil sýnt af sér lostugt athæfi og sært blygðunarsemi konunnar þegar hann beitti hanan blekkingum. Lofaði hann konunni peningagreiðslum og hótaði að drepa sig í gegnum samskiptaforritið Messenger í þeim tilgangi að fá hana til að senda sér myndir af brjóstum hennar og kynfærum. Einkaréttarkröfur kvennanna eru á bilinu ein til þrjár og hálf milljóna króna en nemur tíu milljónum króna samanlagt. Landsréttur staðfesti í vikunni nálgunarbann og brottvísun af heimili yfir manninum gagnvart fimmtu konunni og barnungri dóttur hennar. Í greinagerð lögreglustjóra kemur fram að maðurinn sé undir rökstuddum grun um kynferðis- og ofbeldisbrot, hótanir, áreiti og ónæði gagnvart konunni, dóttur hennar og nátengdum fjölskyldumeðlimum og heimili þannig að hann hafi raskað friði þeirra. Jón Bjarni Kristjánsson, lögmaður mannsins, vildi ekkert láta hafa eftir sér þegar eftir því var leitað.Bocciaþjálfari á Akureyri hlaut í ágúst í fyrra fjögurra ára dóm fyrir kynferðisbrot gegn þroskaskertri konu.
Dómsmál Kynferðisofbeldi Lögreglumál Mest lesið Ekki séð neitt þessu líkt á sínum fjörutíu ára ferli Innlent Er við góða líkamlega heilsu en heilinn að „bregðast honum“ Erlent Málafjöldi tvöfaldast milli ára: „Hálfur milljarður farinn nú þegar“ Innlent Málverk stolið af nasistum fannst í argentískri fasteignaauglýsingu Erlent Kynna drög að nýrri stefnu í heilbrigðismálum Innlent Minntust þess ekki að hafa brennt tösku fyrir Stefán Blackburn Innlent Kallar bandarískan erindreka á teppið vegna Grænlandsmála Erlent 50 prósenta tollar á indverskar vörur taka gildi í Bandaríkjunum Erlent Sakar eftirlitsaðila um að framfylgja ekki leigubílalögum Innlent Gríðarstór sandstormur olli usla í Arizona Erlent Fleiri fréttir Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjá meira