Fyrsta enska konan til að sinna dómgæslu í Evrópukeppni karla

Sian Massey-Ellis verður á línunni í Evrópudeildarleik í kvöld og skrifar um leið söguna fyrir breska kvenfótboltadómara.

Sian Massey-Ellis verður aðstoðardómari í leik hollenska félagsins PSV Eindhoven og LASK frá Austurríki.

Í ágúst síðastliðnum var Sian Massey-Ellis á línunni í leiknum um Samfélagsskjöldinn fyrst kvenna og þá hefur hún reglulega verið á línunni í leikjum í ensku úrvalsdeildinni.

Tonight, Sian Massey-Ellis will become the first Englishwoman to officiate a men's European fixture.

In full: https://t.co/1RPhYvprUkpic.twitter.com/Jv3RpohYT6

— BBC Sport (@BBCSport) October 24, 2019

Sian Massey-Ellis kom einnig hingað til lands í haust og var aðstoðardómari í leik Íslands og Ungverjalands á Laugardalsvelli en sá leikur var í undankeppni EM 2021.

„Það hefur verið draumur minn að dæma Evrópuleik. Það er núna orðið eðlilegra að sjá konur dæma í karlaboltanum,“ sagði Sian Massey-Ellis við BBC.

„Á endanum á það ekki að skipta máli af hvoru kyni, hvaða kynþætti eða hverrar trúar dómari er. Þetta snýst um að skila þínu starfi og gera það eins vel og þú getur,“ sagði Sian.

Sian hefur dæmt bæði á heimsmeistaramóti kvenna sem og í úrslitaleik Meistaradeildar kvenna.