Ekkert fær Lakers stöðvað | Myndbönd

Það fær ekkert stöðvað Los Angeles Lakers í NBA-körfuboltanum en í nótt unnu þeir sinn níunda sigur í röð er liðið hafði betur gegn New Orleans í spennuleik, 114-110.

Frábær fjórði fjórðungur lagði grunninn að sigrinum en gestirnir frá Los Angeles unnu fjórða leikhlutann með fjórtán stigum og leikinn þar af leiðandi með fjórum stigum.

Anthony Davis dro vagninn hjá Lakers og rúmlega það. Hann skoraði 41 stig og tók nú fráköst en LeBron James skilaði 29 stigum, gaf ellefu stoðsendingar og tók fimm fráköst.

The Brow dropped a season-high 41 PTS in his return to New Orleans #LakeShowpic.twitter.com/ib1mzHstMP

— NBA TV (@NBATV) November 28, 2019

Þetta var níundi sigur Lakers í röð en liðið hefur unnið sextán af fyrstu átján leikjum sínum. Ekkert lið í NBA-körfuboltanum er með jafn gott sigurhlutfall, eða 88,9%.

LeBron passed 33,000 career points with this !#LakeShowpic.twitter.com/apg78IUU4f

— NBA TV (@NBATV) November 28, 2019

Milwaukee er líkt og Lakers á miklu skriði en þeir unnu einnig sinn níunda sigur í röð í nótt er liðið vann níu stiga sigur á Atlanta, 111-102.

Gríska undrið, Giannis Antetokounmpo, hefur farið á kostum í upphafi tímabils og hann hélt uppteknum hætti í nótt. Hann gerði 30 stig og tók tíu fráköst.

Öll úrslit næturinnar:

Brooklyn - Boston 110-121

Orlando - Cleveland 116-104

Utah - Indiana 102-121

Sacramento - Philadelphia 91-97

Detroit - Charlotte 101-102

New York - Toronto 98-126

Miami - Houston 108-117

Atlanta - Milwaukee 102-111

LA Clippers - Memphis 121-119

Minnesota - San Antonio 103-101

Washington - Phoenix 140-132

LA Lakers - New Orleans 114-110

Oklahoma - Portland 119-136

Chicago - Golden State 90-104