Jón Axel tryggði Davidson nauman sigur

Grindvíkingurinn Jón Axel Guðmundsson var í eldlínunni með Davidson háskólanum í kvöld þegar liðið mætti Loyola háskólanum frá Chicaho í bandaríska háskólakörfuboltanum.

Jón Axel er algjör lykilmaður í liði Davidson og lék mest allra í leiknum eða 38 mínútur. Hann var hins vegar ekki að skjóta vel utan af velli. Jón Axel skoraði eina þriggja stiga körfu í sjö tilraunum og var tveir af tíu í tveggja stiga tilraunum; skoraði alls 7 stig í leiknum

Hins vegar skoraði Jón Axel fimm af síðustu sjö stigum Davidson í leiknum og þar af var virkilega mikilvæg þriggja stiga karfa sem kom Davidson í 57-54 en lokatölur leiksins urðu 59-56.