Atletico Madrid úr leik eftir óvænt tap

Atletico Madrid tapaði óvænt 2-1 á útivelli gegn Cultural Leonesa í spænska konungsbikarnum í kvöld.

Fyrri hálfleikur var ekki mikið fyrir augað og staðan að honum loknum 0-0. Í þeim síðari kom Angel Correa gestunum frá Madríd yfir og stefndi allt í 0-1 útisigur Atletico manna. 

Julen Castaneda var ekki á sama máli en hann jafnaði metin á 82. mínútu og staðan því orðin 1-1. Þannig var hún þegar venjulegur leiktími var liðinn og því þurfti að framlengja.

Þar skoraði Sergio Benito eina markið fyrir heimamenn. Lokatölur því 2-1 og Atletico Madrid því lokið þátttöku sinni í spænska konungsbikarnum þetta tímabilið.