Sungu nafn Kobe undir lok leiksins í sigrinum á San Antonio | Mynd­band

Los Angeles Lakers var í eldlínunni í NBA-körfuboltanum í nótt er þeir unnu sterkan heimasigur gegn San Antonio Spurs, 129-102.

Þetta var þriðji leikur Lakers eftir fráfall Kobe Bryant og annar sigurinn en þeir töpuðu fyrsta leiknum eftir að Kobe féll frá.

LeBron James lék á alls oddi. Hann skoraði 36 stig, gaf níu stoðsendingar og tók sjö fráköst en Kyle Kuzma og Anthony Davis gerðu 18 stig hvor.

What a way to end a night, Lakers Nation pic.twitter.com/NoUX1hecpJ

— Los Angeles Lakers (@Lakers) February 5, 2020

Gríska fríkið, Giannis Antetokounmpo, átti enn einn stórleikinn fyrir Milwaukee sem vann 120-108 sigur á New Orleans á útivelli.

Giannis skoraði 34 stig og tók 17 fráköst en Ben Ingram skoraði 32 stig fyrir New Orleans. 43. sigur Milwaukee í 50 leikjum.

Houston er búið að vinna þrjá leiki í röð en þeir unnu 125-110 sigur á Charlotte í nótt. Enn eina ferðina skoraði James Harden 40 stig eða meira en hann skoraði 40 stig í nótt og gaf tólf stoðsendingar.

BIG games for Harden & House.

@JHarden13 40PTS / 11AST / 9REB

@DanuelHouseJr 22PTS / 9REB pic.twitter.com/l4b0whnZPH

— Houston Rockets (@HoustonRockets) February 5, 2020

Öll úrslit næturinnar:

Milwaukee - New Orleans 120-108

Charlotte - Houston 110-125

Portland - Denver 99-127

San Antonio - LA Lakers 102-129