Cloé ekki enn komin með leikheimild

Cloé Lacasse er ekki enn komin með leikheimild frá FIFA og var því ekki valin í íslenska landsliðshópinn sem fer á Pinatar-mótið í næsta mánuði.

Cloé fékk íslenskan ríkisborgararétt í fyrra en erfiðlega gengur að fá leikheimild frá FIFA svo hún geti byrjað að leika með íslenska landsliðinu.

Framherjinn öflugi hefur skorað grimmt fyrir Benfica í vetur og er markahæst í portúgölsku úrvalsdeildinni með 20 mörk.

Natasha Anasi, vinkona Cloé, var valin í landsliðshópinn. Hún fékk ríkisborgararétt á eftir Cloé á síðasta ári. Hún er annar tveggja nýliða í hópnum. Hinn er Fylkiskonan Berglind Rós Ágústsdóttir.

Íslenska hópinn sem fer á Pinatar-mótið má sjá með því að smella hér.