Fótbolti

Cecil­ía orðuð við Everton en Brexit hefur áhrif

Anton Ingi Leifsson skrifar
Cecilía og stöllur hennar í Fylki eru komnar upp í 5. sæti Pepsi Max-deildar kvenna eftir þrjá sigra í röð.
Cecilía og stöllur hennar í Fylki eru komnar upp í 5. sæti Pepsi Max-deildar kvenna eftir þrjá sigra í röð. vísir/bára

Cecil­ía Rán Rúnarsdóttir, markvörður Fylkis, ku vera í viðræðum við enska úrvalsdeildarfélagið Everton.

Morgunblaðið greinir frá þessu í dag en viðræðurnar hafa ekki gengið áfallalaust fyrir sig.

Útganga Bretlands úr Evrópusambandi eru sögð hafa áhrif á skiptin en harðar reglur eru nú komnar hvað varðar skipti leikmanna til Bretlands.

Í sömu frétt Morgunblaðsins segir að það séu líkur á að Cecilía skrifi undir samning hjá Everton en verði svo lánuð til Norðurlandanna.

Cecil­ía Rán er einungis sautján ára gömul en hún lékk sinn fyrsta A-landsleik á síðustu leiktíð.

Hún hefur varið mark Fylkis síðustu tvö ár og vakið athygli fyrir sína frammistöðu. Hún var meðal annars valin efnilegasti leikmaður Pepsi Max deildarinnar í sumar.

Íslenski boltinn Enski boltinn

Mest lesið


Fleiri fréttir

Sjá meira


×

Mest lesið