Sagði sigurinn verð­skuldaðan og öll ein­beitingin hafi farið í að hitta boltann í markinu

„Við komum hingað með áætlanir um að vinna leikinn, spila okkar leik og við vissum að við gætum ollið þeim vandræðum sóknarlega. Við höfum verið öflugir til baka undanfarið og erum mjög ánægðir með verðskuldaðan sigur,“ sagði franski framherjinn í viðtali við BT Sport eftir leik.

„Við vitum hversu mikilvægt útivallarmarkið er í Evrópukeppnum og ég er mjög ánægður með að hafa hjálpað liðinu að vinna leikinn. Við stjórnuðum leiknum vel, vorum fullir sjálfstraust en vissum að við værum að mæta frábæru liði. Við vissum hverjir styrkleikar þeirra voru og mér fannst við höndla þá vel. Við verðum samt að vera einbeittir til klára einvígið.“

„Við vorum fullir sjálfstrausts án þess að vera hrokafullir. Ég veit ekki hvað ég get sagt um markið, ég einbeitti mér að því að hitta boltann í hjólhestaspyrnunni og var mjög ánægður með að sjá boltann enda í netinu. Ég hafði ekki hugmynd um rangstöðuna, Mason Mount sagði að hann hefði ekki snert boltann sem var gott fyrir liðið og gott fyrir mig,“ sagði hetja Chelea-liðsins eftir 1-0 sigur liðsins gegn Atlético Madrid í Búkarest. 

Leikurinn fór fram í Rúmeníu vegna ferðatakmarkanna á Spáni sökum kórónufaraldursins. Síðari leikur liðanna fer fram 17. mars á Brúnni í Lundúnum.

Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.