Fjar­lægja Spán af lista yfir lönd skil­greind sem á­hættu­svæði

Í tilkynningu frá heilbrigðisráðuneytinu segir að þetta sé gert í ljósi þess mats ráðuneytisins að skilgreiningin samræmist ekki gildandi reglugerð heilbrigðisráðherra um sóttkví, einangrun og sýnatöku á landamærum Íslands vegna COVID-19 þótt gögn skorti um smitstöðu í einu héraði landsins.

„Í 1. mgr. 5. gr. reglugerðarinnar segir m.a.: „Sé löndum skipt upp í fleiri en eitt svæði þar sem nýgengi smita er ólíkt er heimilt að miða allt landið við það svæði þar sem nýgengi er hæst.“

Af texta ákvæðisins má ráða að einungis er heimilt að miða allt landið við eitt svæði sé það dökkrautt, en ekki ef eitt svæði er grátt, enda liggur þá ekki fyrir að þar sé nýgengi hæst. Það er því mat ráðuneytisins að ekki sé heimilt að hafa Spán á listanum. Stefnt er að því að listinn verði næst uppfærður 9. apríl,“ segir í tilkynningunni.