Biden býður Úkraínu „ó­haggan­legan stuðning“ gegn Rúss­landi

Spennan milli Rússa og Úkraínumanna hefur aukist gríðarlega undanfarna daga. Rússar hafa aukið við hernaðarviðveru sína á landamærunum að Úkraínu og í dag vöruðu Rússar NATO við því að senda hersveitir til Úkraínu til hjálpar heimamönnum.

Yfirvöld í Washington hafa verið valdamestu bandamenn Úkraínu síðan Rússar hertóku Krímskagann árið 2014. NATO hefur lýst yfir áhyggjum vegna hernaðarbrölts Rússa við landamærin að Donbass héraðinu, þar sem úkraínski herinn hefur tekist á við aðskilnaðarsinna sem njóta stuðnings Rússa.

Að sögn starfsmannastjóra Zelenskiys varði símtalið í um fimmtíu mínútur.

„Við ræddum stöðuna í Donbass ítarlega. Biden forseti sannfærði mig um að Úkraína muni aldrei standa ein gegn Rússlandi,“ sagði Zelenskiy í myndbandsávarpi sem hann flutti síðdegis í dag.