Fótbolti

De Bruyne líklega klár í fyrsta leik á EM

Arnar Geir Halldórsson skrifar
Þrír góðir
Þrír góðir vísir/Getty

Kevin De Bruyne mun koma til móts við belgíska landsliðið strax eftir helgi og tekur þátt í lokaundirbúningi liðsins fyrir EM í fótbolta sem hefst á föstudag.

Miðjumaðurinn öflugi þurfti að fara meiddur af velli í úrslitaleik Meistaradeildar Evrópu um síðustu helgi og var óttast um að meiðslin, sem voru á andliti, myndu hafa áhrif á þátttöku kappans á EM.

Í dag var hins vegar greint frá því að De Bruyne hefði undirgengist minni háttar aðgerð sem tókst vel til og hann muni hefja æfingar með Belgum á mánudag en Belgía mætir Króatíu í æfingaleik á morgun.

Belgar eru í riðli með Danmörku, Finnlandi og Rússlandi en fyrsti leikur þeirra í keppninni er gegn Rússum þann 12.júní næstkomandi.

EM 2020 í fótbolta

Mest lesið


Fleiri fréttir

Sjá meira


×

Mest lesið