Fyrsti landsliðshópurinn frá handtöku Gylfa tilkynntur á morgun Sindri Sverrisson skrifar 24. ágúst 2021 13:33 Íslenska liðið fagnar marki Brynjars Inga Bjarnasonar gegn Pólverjum í vináttulandsleik í júní. Liðin gerðu 2-2 jafntefli en mikil forföll voru í íslenska hópnum. Getty/Boris Streubel Arnar Þór Viðarsson hefur eflaust þurft að brjóta heilann um ýmislegt fyrir val sitt á landsliðshópi karla í fótbolta. Hann verður tilkynnur á morgun en Ísland mætir Rúmeníu, Norður-Makedóníu og Þýskalandi í undankeppni HM í byrjun september. Fundurinn á morgun er klukkan 13:15 og samkvæmt venju munu landsliðsþjálfarar sitja fyrir svörum ásamt fulltrúum KSÍ. Eiður Smári Guðjohnsen aðstoðarþjálfari gæti verið þar á meðal. Hann fór í leyfi í júní og fékk skriflega áminningu frá stjórn KSÍ, eftir að myndband fór í dreifingu á samfélagsmiðlum þar sem hann sást kasta af sér vatni utandyra í miðborg Reykjavíkur. Þetta verður fyrsti landsliðshópurinn sem valinn er eftir að mikilvægasti leikmaður liðsins mörg undanfarin ár, Gylfi Þór Sigurðsson, var handtekinn í Englandi í júlí vegna gruns um kynferðisbrot gagnvart ólögráða stúlku. Hann hefur ekkert komið við sögu hjá Everton á yfirstandandi leiktíð. Fundurinn fer einnig fram í kjölfar greinaskrifa Hönnu Bjargar Vilhjálmsdóttur sem hefur gagnrýnt KSÍ harðlega og sakað sambandið um að axla ekki ábyrgð á ofbeldismenningu og ofbeldismönnum innan raða þess. Hefur hún sagt KSÍ þurfa að taka gerendur ofbeldis úr landsliðinu. Fimm leikir á Laugardalsvelli fram undan Landsliðið var einnig án Gylfa í fyrstu þremur leikjunum í undankeppninni, þegar liðið mætti Þýskalandi, Armeníu og Liechtenstein á útivelli í lok mars. Liðið fékk einu stig sín í þeirri ferð með 4-1 sigri gegn Liechtenstein í lokaleiknum. Nú er komið að fimm heimaleikjum í röð; þremur nú í september og svo tveimur í október. Rúmenar mæta á Laugardalsvöll á fimmtudaginn í næstu viku, leikið er við Norður-Makedóníu 5. september og svo stórlið Þýskalands 8. september. Ekki liggur enn fyrir hve margir áhorfendur mega vera á leikjunum. Alfreð Finnbogason er meiddur og ólíklegt virðist að hann geti spilað með landsliðinu í september.Getty/Laszlo Szirtesi Auk Gylfa er útlit fyrir að íslenska liðið verði án öflugra leikmanna vegna meiðsla. Hörður Björgvin Magnússon er í endurhæfingu eftir að hafa slitið hásin í apríl, Sverrir Ingi Ingason fór í hnéaðgerð snemma sumars og er enn að jafna sig, og Alfreð Finnbogason er með sködduð liðbönd í ökkla. Aron Einar og Rúnar Alex fengu veiruna Landsliðsfyrirliðinn Aron Einar Gunnarsson veiktist svo af kórónuveirunni í æfingaferðalagi með Al Arabi, samkvæmt hlaðvarpsþættinum Dr. Football, og óvíst hver staðan á honum er. Markvörðurinn Rúnar Alex Rúnarsson greindist einnig með veiruna líkt og fleiri leikmenn Arsenal, eins og fram kom í síðustu viku. Þá hefur sóknarmaðurinn Jón Daði Böðvarsson ekki verið í leikmannahópi Millwall það sem af er leiktíð í Englandi. Miðvörðurinn Jón Guðni Fjóluson er hins vegar til taks eftir að hafa misst af leikjunum í mars. Arnar Þór Viðarsson hefur að mörgu að hyggja nú þegar landsleikirnir eru að bresta á.Getty Arnar gat gefið fjölda leikmanna tækifæri til að sanna sig í vináttulandsleikjunum í júní. Miðverðirnir Brynjar Ingi Bjarnason og Hjörtur Hermannsson voru meðal þeirra sem þóttu nýta það tækifæri vel, sem og Guðmundur Þórarinsson í stöðu vinstri bakvarðar. Í kjölfar landsleikjanna fóru þeir Brynjar og Hjörtur báðir í raðir ítalskra félaga, Brynjar til Lecce og Hjörtur til Pisa, en Guðmundur leikur með New York City í Bandaríkjunum. Ungir markverðir bíða tækifæris Jón Dagur Þorsteinsson, Ísak Bergmann Jóhannesson og Sveinn Aron Guðjohnsen komu inn í landsliðshópinn fyrir lokaleikinn í mars, gegn Liechtenstein, af Evrópumóti U21-landsliða. Þeir gætu fengið tækifæri aftur nú, sem og markverðirnir ungu Patrik Snær Gunnarsson og Elías Rafn Ólafsson. Hafa ber þó í huga að U21-landsliðið byrjar nýja undankeppni á sama tíma og A-landsliðið spilar. Patrik Sigurður Gunnarsson var að láni hjá dönsku 1. deildarliðunum Viborg og Silkeborg á síðustu leiktíð og þau komust bæði upp í úrvalsdeild. Hann var á varamannabekk Brentford í fyrstu umferð ensku úrvalsdeildarinnar.Getty/Matthew Ashton Eftir flott tímabil í Danmörku hefur Patrik verið á bekknum hjá Brentford í ensku úrvalsdeildinni í upphafi leiktíðar, og Elías Rafn hélt hreinu fyrir topplið Midtjylland í dönsku úrvalsdeildinni á föstudaginn. Fjórir leikmenn úr Pepsi Max-deildinni, og hugsanlega fleiri, gætu fengið sæti í landsliðshópnum. Hannes Þór Halldórsson, Kári Árnason, Ragnar Sigurðsson og Birkir Már Sævarsson hafa allir verið að spila og gætu myndað stærstan hluta öftustu línu landsliðsins. Erfið staða í riðlinum Líkt og fyrr segir er Ísland með þrjú stig eftir fyrstu þrjár umferðirnar í undankeppninni og þarf því á góðum úrslitum að halda í næstu leikjum til að eiga möguleika á að spila á HM í Katar á næsta ári. Armenía er óvænt efst í riðlinum með 9 stig, Þýskaland og Norður-Makedónía eru með 6, Ísland og Rúmenía 3 en Liechtenstein ekkert. Undankeppninni lýkur í nóvember. Staðan í riðlinum og næstu leikir. HM 2022 í Katar Landsliðsmenn sakaðir um kynferðisofbeldi Mest lesið Sló golfhögg með krókódíl rétt fyrir aftan sig Golf „Mér finnst hún skipta sér af málum sem koma henni ekki við“ Fótbolti LeBron boðar aðra Ákvörðun Körfubolti Bjargaði lífi mótherja í miðjum leik Fótbolti „Skil ekki hvernig má kýla einhvern í andlitið?“ Íslenski boltinn Metár hjá David Beckham Fótbolti Sekúndubrot á milli Tomma og Nablans í fyrstu grein Ólympíuleika Extra Sport Rooney gagnrýnir Mo Salah og vill færa hann til á vellinum Enski boltinn Er eitthvað óeðlilegt að búið sé að gagnrýna þetta Valslið? Íslenski boltinn Sjáðu svakalega vítakeppni þegar frændliðin börðust í bikarnum Handbolti Fleiri fréttir Hefur verið í liðinu eftir að ný leikstaða uppgötvaðist í Sambandsdeildinni „Enginn vissi hvað ég var að ganga í gegnum“ Er eitthvað óeðlilegt að búið sé að gagnrýna þetta Valslið? Metár hjá David Beckham Rooney gagnrýnir Mo Salah og vill færa hann til á vellinum „Mér finnst hún skipta sér af málum sem koma henni ekki við“ Bjargaði lífi mótherja í miðjum leik „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Ekki gerst á Skaganum síðan Garðar átti markamánuð lífs síns Guardiola ætlar að skipuleggja kvöldverð með Wenger og Ferguson Sjáðu allt um enska boltann um helgina á fimm mínútum Bjarni Guðjóns tók einn KR-ing sérstaklega fyrir „Þá er búið að yfirtaka sál félagsins“ Laumað út af leikvanginum í lögreglufylgd og svo rekinn seinna um kvöldið Svona tryggðu Víkingar titilinn og öll hin mörkin úr Bestu í gær Arnar Gunnlaugs segir gagnrýnendur Liverpool gleyma mannlega þættinum Gleðin í klefanum hjá nýju Íslandsmeisturunum Pep fljótastur í 250 sigra „Þarf að halda í við Mbappé og Kane“ „Þá fann ég á liðinu að það yrði ekki snúið við“ Sjáðu fögnuð Víkinga þegar Íslandsmeistaratitillinn var tryggður Gylfi Sigurðsson: Mikill léttir að tryggja fyrsta titilinn „Maður er orðinn Íslandsmeistari í sínu fyrsta giggi“ Sjá meira
Fundurinn á morgun er klukkan 13:15 og samkvæmt venju munu landsliðsþjálfarar sitja fyrir svörum ásamt fulltrúum KSÍ. Eiður Smári Guðjohnsen aðstoðarþjálfari gæti verið þar á meðal. Hann fór í leyfi í júní og fékk skriflega áminningu frá stjórn KSÍ, eftir að myndband fór í dreifingu á samfélagsmiðlum þar sem hann sást kasta af sér vatni utandyra í miðborg Reykjavíkur. Þetta verður fyrsti landsliðshópurinn sem valinn er eftir að mikilvægasti leikmaður liðsins mörg undanfarin ár, Gylfi Þór Sigurðsson, var handtekinn í Englandi í júlí vegna gruns um kynferðisbrot gagnvart ólögráða stúlku. Hann hefur ekkert komið við sögu hjá Everton á yfirstandandi leiktíð. Fundurinn fer einnig fram í kjölfar greinaskrifa Hönnu Bjargar Vilhjálmsdóttur sem hefur gagnrýnt KSÍ harðlega og sakað sambandið um að axla ekki ábyrgð á ofbeldismenningu og ofbeldismönnum innan raða þess. Hefur hún sagt KSÍ þurfa að taka gerendur ofbeldis úr landsliðinu. Fimm leikir á Laugardalsvelli fram undan Landsliðið var einnig án Gylfa í fyrstu þremur leikjunum í undankeppninni, þegar liðið mætti Þýskalandi, Armeníu og Liechtenstein á útivelli í lok mars. Liðið fékk einu stig sín í þeirri ferð með 4-1 sigri gegn Liechtenstein í lokaleiknum. Nú er komið að fimm heimaleikjum í röð; þremur nú í september og svo tveimur í október. Rúmenar mæta á Laugardalsvöll á fimmtudaginn í næstu viku, leikið er við Norður-Makedóníu 5. september og svo stórlið Þýskalands 8. september. Ekki liggur enn fyrir hve margir áhorfendur mega vera á leikjunum. Alfreð Finnbogason er meiddur og ólíklegt virðist að hann geti spilað með landsliðinu í september.Getty/Laszlo Szirtesi Auk Gylfa er útlit fyrir að íslenska liðið verði án öflugra leikmanna vegna meiðsla. Hörður Björgvin Magnússon er í endurhæfingu eftir að hafa slitið hásin í apríl, Sverrir Ingi Ingason fór í hnéaðgerð snemma sumars og er enn að jafna sig, og Alfreð Finnbogason er með sködduð liðbönd í ökkla. Aron Einar og Rúnar Alex fengu veiruna Landsliðsfyrirliðinn Aron Einar Gunnarsson veiktist svo af kórónuveirunni í æfingaferðalagi með Al Arabi, samkvæmt hlaðvarpsþættinum Dr. Football, og óvíst hver staðan á honum er. Markvörðurinn Rúnar Alex Rúnarsson greindist einnig með veiruna líkt og fleiri leikmenn Arsenal, eins og fram kom í síðustu viku. Þá hefur sóknarmaðurinn Jón Daði Böðvarsson ekki verið í leikmannahópi Millwall það sem af er leiktíð í Englandi. Miðvörðurinn Jón Guðni Fjóluson er hins vegar til taks eftir að hafa misst af leikjunum í mars. Arnar Þór Viðarsson hefur að mörgu að hyggja nú þegar landsleikirnir eru að bresta á.Getty Arnar gat gefið fjölda leikmanna tækifæri til að sanna sig í vináttulandsleikjunum í júní. Miðverðirnir Brynjar Ingi Bjarnason og Hjörtur Hermannsson voru meðal þeirra sem þóttu nýta það tækifæri vel, sem og Guðmundur Þórarinsson í stöðu vinstri bakvarðar. Í kjölfar landsleikjanna fóru þeir Brynjar og Hjörtur báðir í raðir ítalskra félaga, Brynjar til Lecce og Hjörtur til Pisa, en Guðmundur leikur með New York City í Bandaríkjunum. Ungir markverðir bíða tækifæris Jón Dagur Þorsteinsson, Ísak Bergmann Jóhannesson og Sveinn Aron Guðjohnsen komu inn í landsliðshópinn fyrir lokaleikinn í mars, gegn Liechtenstein, af Evrópumóti U21-landsliða. Þeir gætu fengið tækifæri aftur nú, sem og markverðirnir ungu Patrik Snær Gunnarsson og Elías Rafn Ólafsson. Hafa ber þó í huga að U21-landsliðið byrjar nýja undankeppni á sama tíma og A-landsliðið spilar. Patrik Sigurður Gunnarsson var að láni hjá dönsku 1. deildarliðunum Viborg og Silkeborg á síðustu leiktíð og þau komust bæði upp í úrvalsdeild. Hann var á varamannabekk Brentford í fyrstu umferð ensku úrvalsdeildarinnar.Getty/Matthew Ashton Eftir flott tímabil í Danmörku hefur Patrik verið á bekknum hjá Brentford í ensku úrvalsdeildinni í upphafi leiktíðar, og Elías Rafn hélt hreinu fyrir topplið Midtjylland í dönsku úrvalsdeildinni á föstudaginn. Fjórir leikmenn úr Pepsi Max-deildinni, og hugsanlega fleiri, gætu fengið sæti í landsliðshópnum. Hannes Þór Halldórsson, Kári Árnason, Ragnar Sigurðsson og Birkir Már Sævarsson hafa allir verið að spila og gætu myndað stærstan hluta öftustu línu landsliðsins. Erfið staða í riðlinum Líkt og fyrr segir er Ísland með þrjú stig eftir fyrstu þrjár umferðirnar í undankeppninni og þarf því á góðum úrslitum að halda í næstu leikjum til að eiga möguleika á að spila á HM í Katar á næsta ári. Armenía er óvænt efst í riðlinum með 9 stig, Þýskaland og Norður-Makedónía eru með 6, Ísland og Rúmenía 3 en Liechtenstein ekkert. Undankeppninni lýkur í nóvember. Staðan í riðlinum og næstu leikir.
HM 2022 í Katar Landsliðsmenn sakaðir um kynferðisofbeldi Mest lesið Sló golfhögg með krókódíl rétt fyrir aftan sig Golf „Mér finnst hún skipta sér af málum sem koma henni ekki við“ Fótbolti LeBron boðar aðra Ákvörðun Körfubolti Bjargaði lífi mótherja í miðjum leik Fótbolti „Skil ekki hvernig má kýla einhvern í andlitið?“ Íslenski boltinn Metár hjá David Beckham Fótbolti Sekúndubrot á milli Tomma og Nablans í fyrstu grein Ólympíuleika Extra Sport Rooney gagnrýnir Mo Salah og vill færa hann til á vellinum Enski boltinn Er eitthvað óeðlilegt að búið sé að gagnrýna þetta Valslið? Íslenski boltinn Sjáðu svakalega vítakeppni þegar frændliðin börðust í bikarnum Handbolti Fleiri fréttir Hefur verið í liðinu eftir að ný leikstaða uppgötvaðist í Sambandsdeildinni „Enginn vissi hvað ég var að ganga í gegnum“ Er eitthvað óeðlilegt að búið sé að gagnrýna þetta Valslið? Metár hjá David Beckham Rooney gagnrýnir Mo Salah og vill færa hann til á vellinum „Mér finnst hún skipta sér af málum sem koma henni ekki við“ Bjargaði lífi mótherja í miðjum leik „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Ekki gerst á Skaganum síðan Garðar átti markamánuð lífs síns Guardiola ætlar að skipuleggja kvöldverð með Wenger og Ferguson Sjáðu allt um enska boltann um helgina á fimm mínútum Bjarni Guðjóns tók einn KR-ing sérstaklega fyrir „Þá er búið að yfirtaka sál félagsins“ Laumað út af leikvanginum í lögreglufylgd og svo rekinn seinna um kvöldið Svona tryggðu Víkingar titilinn og öll hin mörkin úr Bestu í gær Arnar Gunnlaugs segir gagnrýnendur Liverpool gleyma mannlega þættinum Gleðin í klefanum hjá nýju Íslandsmeisturunum Pep fljótastur í 250 sigra „Þarf að halda í við Mbappé og Kane“ „Þá fann ég á liðinu að það yrði ekki snúið við“ Sjáðu fögnuð Víkinga þegar Íslandsmeistaratitillinn var tryggður Gylfi Sigurðsson: Mikill léttir að tryggja fyrsta titilinn „Maður er orðinn Íslandsmeistari í sínu fyrsta giggi“ Sjá meira