„Vorum ellefu leikmenn sem unnum eins saman sem lið en þeir ellefu leikmenn sem unnu eins og einstaklingar“ Ingvi Þór Sæmundsson skrifar 23. október 2021 10:00 Leikmenn Bodø/Glimt fagna einu sex marka sinna gegn Roma. Alfons Sampsted er þriðji frá hægri á myndinni. getty/Fabio Rossi Alfons Sampsted segir að leikmenn Bodø/Glimt, hafi haft trú á sigri gegn Roma í Sambandsdeild Evrópu í fyrradag. En ekki að þeir myndu vinna 6-1. „Við höfðum trú á sigri en 6-1 er ekki eitthvað sem maður bjóst við fyrirfram,“ sagði Alfons í samtali við Vísi í gær. Þetta er stærsta tap sem lið undir stjórn José Mourinho hefur mátt þola. Alfons var á sínum stað í stöðu hægri bakvarðar hjá Bodø/Glimt og lagði upp þriðja mark liðsins fyrir Erik Botheim. Hann segir að leikáætlun Bodø/Glimt hafi verið skýr og norsku meistararnir hafi vitað hvar þeir gætu sótt á Rómverja. „Við vissum að þeir væru svolítið latir í fyrstu pressunni og ef við næðum að spila hana burt væru miklir möguleikar. Svo vorum við ellefu leikmenn sem unnum eins saman sem lið en þeir voru ellefu leikmenn sem unnu eins og einstaklingar. Á endanum var munurinn á liðunum ótrúlega mikill,“ sagði Alfons. José Mourinho, knattspyrnustjóri Roma, tefldi ekki fram sínu sterkasta liði í fyrradag en setti svo stjörnurnar inn á. Í hálfleik komu Bryan Cristante, Henrikh Mkhitaryan og Eldor Shomurodov inn á og eftir klukkutíma þeir Tammy Abraham og Lorenzo Pellegrini. Það breytti samt engu. Bodø/Glimt var 2-1 yfir í hálfleik og bætti svo fjórum mörkum við í seinni hálfleik. „Við vorum komnir í gírinn og með sjálfstraust. Við fylgdum áætluninni áfram og börðum aðeins á þeim. Mér leið eins og við hefðum náð mjög fínum takti í okkar leik í gær,“ sagði Alfons. Erfitt að bera saman við AC Milan Bodø/Glimt spilaði við annað ítalskt stórlið, AC Milan, í forkeppni Evrópudeildarinnar í fyrra. Þá var aðeins einn leikur og fór hann fram á San Siro í Mílanó. Milan vann 3-2 sigur í hörkuleik. Alfons segir erfitt að bera þessa tvo leiki, gegn Milan og svo Roma, saman. „Við spiluðum bara við Milan á útivelli en Roma á heimavelli. Hvort munurinn liggi í leikmönnunum eða aðstæðunum veit ég ekki. Við spilum á gervigrasi og það var mjög kalt og mikill vindur. Við erum vanari því og þekkjum það betur. Svo var þetta langt ferðalag fyrir þá,“ sagði Alfons. „Við stjórnuðum leiknum mun betur en gegn Milan þótt við höfum átt mjög góða kafla gegn þeim.“ Alfons í baráttu við Franck Kessie í leik AC Milan og Bodø/Glimt í fyrra.EPA/MATTEO BAZZI Bodø/Glimt er á toppi C-riðils Sambandsdeildarinnar með sjö stig eftir þrjá leiki. Sigurvegarar riðlanna átta fara í sextán liða úrslit á meðan liðin sem enda í 2. sæti fara í umspil. „Að sjálfsögðu stefnum við á að fara upp úr riðlinum. Við erum á því að við séum nógu góðir til þess. Við höfum núna keppt einu sinni við öll liðin og ef við erum á okkar degi getum við unnið þau öll. Það þýðir ekkert annað en að taka næstu þrjá leiki af sama krafti,“ sagði Alfons. Rosalega gott veganesti Bodø/Glimt og Roma mætast aftur á Ólympíuleikvanginum í Róm fimmtudaginn 4. nóvember. „Leikurinn í gær er rosalega gott veganesti inn í þann leik. Við höfum sannað fyrir sjálfum okkur að við mætum með kassann úti og fullt sjálfstraust getum við gefið hverjum sem er leik,“ sagði Alfons. Bodø/Glimt varð norskur meistari með miklum yfirburðum á síðasta tímabili og er með þriggja stiga forskot á toppi norsku úrvalsdeildarinnar þegar átta umferðum er ólokið. Bodø/Glimt missti alla framlínuna sína fyrir tímabilið, þá Jens Petter Hauge, Philip Zinckernagel og Kasper Juncker, en það hefur ekki komið að sök. „Það tók tíma finna okkar leik en við náðum því rétt fyrir tímabilið og byrjuðum það mjög vel. Svo misstum við tvo lykilmenn í meiðsli og þá gáfum við eftir, margir leikir og menn þreyttir. En síðustu tvo til þrjá mánuði höfum við fundið fínan takt og erum orðnir mjög heilsteyptir,“ sagði Alfons. Örugglega það besta sem gat komið fyrir mig Hann gekk í raðir Bodø/Glimt frá Norrköping í Svíþjóð í fyrra og kann afar vel við sig í Norður-Noregi. Alfons í leik gegn Val í sumar.vísir/bára „Þetta var frábært skref og örugglega það besta sem gat komið fyrir mig. Ég var búinn að æfa mikið hjá Norrköping og spila marga leiki í neðri deildum,“ sagði Alfons. „Ég vissi alltaf hvað byggi í mér en vantaði að komast á svið þar sem ég fengi nokkra leiki í röð og sýna mig og sanna. Ég fékk traustið til þess hérna og það var mjög góð ákvörðun að koma hingað.“ Sambandsdeild Evrópu Norski boltinn Mest lesið Ólétta eiginkonan birti viðbjóðsleg skilaboð Enski boltinn Aftur lýst gjaldþrota: „Margir sem telja sig svikna í dag“ Handbolti Á morgun opinberar enska úrvalsdeildin hvaða liðum verður refsað Enski boltinn Littler hunsaði Beckham óvart Enski boltinn Þórir búinn að opna pakkann Handbolti „Þetta er ástæða þess að fólk sendir börnin sín í íþróttir“ Fótbolti Eyþór sóttur í Fylki: „Loksins einhver að koma að leika við þig“ Íslenski boltinn Fury segist vera hættur ... aftur Sport „Svo ömurlegt sem þjálfari að upplifa þetta“ Körfubolti Stal sjúkratöskunni til að koma Mbappé út af Fótbolti Fleiri fréttir Á morgun opinberar enska úrvalsdeildin hvaða liðum verður refsað Í beinni: Real Sociedad - Villarreal | Orri og félagar ætla að sökkva Gula kafbátnum Albert spilaði fyrri hálfleik í tapi Fiorentina Valdi norsku B-deildina fram yfir Víking Láki sækir leikmann sem hann þekkir vel Conte vill fá Garnacho í staðinn fyrir Kvaratskhelia Littler hunsaði Beckham óvart „Þjálfarinn sem að lokum tekur ákvörðunina um það hver okkar spilar“ Eyþór sóttur í Fylki: „Loksins einhver að koma að leika við þig“ Domino's gerði grín að Havertz Mærði hetju United: „Líf þitt getur breyst á einni viku“ Unnu fyrir þrettán ára vin sem lést úr hvítblæði Stal sjúkratöskunni til að koma Mbappé út af Ólétta eiginkonan birti viðbjóðsleg skilaboð „Þetta er ástæða þess að fólk sendir börnin sín í íþróttir“ „Við fengum ekki það sem við áttum skilið“ Frábær sigur hjá Cecilíu Rán og Napoli jók forystuna á ný Barca valtaði yfir erkifjendurna og vann Ofurbikarinn „Ætla að sýna að ég er rétti maðurinn“ „Fann frá fyrstu mínútu að þetta var okkar dagur“ Guðlaugur Victor mætir Liverpool og fjórir úrvalsdeildarslagir Ekkert mál fyrir Dýrlingana Tvö mörk frá Elíasi Má dugðu ekki til Havertz skúrkurinn þegar United fór áfram Benóný Breki fékk tækifæri gegn Crystal Palace Lömbin þögnuðu ekki fyrr en í framlengingu Nýju þjálfararnir byrjuðu á 8-0 sigri á KR „Eina leiðin fyrir mig til að lifa af í þessu eitraða umhverfi“ Fundu ellefu ára gamlan Rashford á götumynd Google Fengu Gumma Ben til að lýsa og stjörnur til að spila í styrktarleik fyrir vin sinn Sjá meira
„Við höfðum trú á sigri en 6-1 er ekki eitthvað sem maður bjóst við fyrirfram,“ sagði Alfons í samtali við Vísi í gær. Þetta er stærsta tap sem lið undir stjórn José Mourinho hefur mátt þola. Alfons var á sínum stað í stöðu hægri bakvarðar hjá Bodø/Glimt og lagði upp þriðja mark liðsins fyrir Erik Botheim. Hann segir að leikáætlun Bodø/Glimt hafi verið skýr og norsku meistararnir hafi vitað hvar þeir gætu sótt á Rómverja. „Við vissum að þeir væru svolítið latir í fyrstu pressunni og ef við næðum að spila hana burt væru miklir möguleikar. Svo vorum við ellefu leikmenn sem unnum eins saman sem lið en þeir voru ellefu leikmenn sem unnu eins og einstaklingar. Á endanum var munurinn á liðunum ótrúlega mikill,“ sagði Alfons. José Mourinho, knattspyrnustjóri Roma, tefldi ekki fram sínu sterkasta liði í fyrradag en setti svo stjörnurnar inn á. Í hálfleik komu Bryan Cristante, Henrikh Mkhitaryan og Eldor Shomurodov inn á og eftir klukkutíma þeir Tammy Abraham og Lorenzo Pellegrini. Það breytti samt engu. Bodø/Glimt var 2-1 yfir í hálfleik og bætti svo fjórum mörkum við í seinni hálfleik. „Við vorum komnir í gírinn og með sjálfstraust. Við fylgdum áætluninni áfram og börðum aðeins á þeim. Mér leið eins og við hefðum náð mjög fínum takti í okkar leik í gær,“ sagði Alfons. Erfitt að bera saman við AC Milan Bodø/Glimt spilaði við annað ítalskt stórlið, AC Milan, í forkeppni Evrópudeildarinnar í fyrra. Þá var aðeins einn leikur og fór hann fram á San Siro í Mílanó. Milan vann 3-2 sigur í hörkuleik. Alfons segir erfitt að bera þessa tvo leiki, gegn Milan og svo Roma, saman. „Við spiluðum bara við Milan á útivelli en Roma á heimavelli. Hvort munurinn liggi í leikmönnunum eða aðstæðunum veit ég ekki. Við spilum á gervigrasi og það var mjög kalt og mikill vindur. Við erum vanari því og þekkjum það betur. Svo var þetta langt ferðalag fyrir þá,“ sagði Alfons. „Við stjórnuðum leiknum mun betur en gegn Milan þótt við höfum átt mjög góða kafla gegn þeim.“ Alfons í baráttu við Franck Kessie í leik AC Milan og Bodø/Glimt í fyrra.EPA/MATTEO BAZZI Bodø/Glimt er á toppi C-riðils Sambandsdeildarinnar með sjö stig eftir þrjá leiki. Sigurvegarar riðlanna átta fara í sextán liða úrslit á meðan liðin sem enda í 2. sæti fara í umspil. „Að sjálfsögðu stefnum við á að fara upp úr riðlinum. Við erum á því að við séum nógu góðir til þess. Við höfum núna keppt einu sinni við öll liðin og ef við erum á okkar degi getum við unnið þau öll. Það þýðir ekkert annað en að taka næstu þrjá leiki af sama krafti,“ sagði Alfons. Rosalega gott veganesti Bodø/Glimt og Roma mætast aftur á Ólympíuleikvanginum í Róm fimmtudaginn 4. nóvember. „Leikurinn í gær er rosalega gott veganesti inn í þann leik. Við höfum sannað fyrir sjálfum okkur að við mætum með kassann úti og fullt sjálfstraust getum við gefið hverjum sem er leik,“ sagði Alfons. Bodø/Glimt varð norskur meistari með miklum yfirburðum á síðasta tímabili og er með þriggja stiga forskot á toppi norsku úrvalsdeildarinnar þegar átta umferðum er ólokið. Bodø/Glimt missti alla framlínuna sína fyrir tímabilið, þá Jens Petter Hauge, Philip Zinckernagel og Kasper Juncker, en það hefur ekki komið að sök. „Það tók tíma finna okkar leik en við náðum því rétt fyrir tímabilið og byrjuðum það mjög vel. Svo misstum við tvo lykilmenn í meiðsli og þá gáfum við eftir, margir leikir og menn þreyttir. En síðustu tvo til þrjá mánuði höfum við fundið fínan takt og erum orðnir mjög heilsteyptir,“ sagði Alfons. Örugglega það besta sem gat komið fyrir mig Hann gekk í raðir Bodø/Glimt frá Norrköping í Svíþjóð í fyrra og kann afar vel við sig í Norður-Noregi. Alfons í leik gegn Val í sumar.vísir/bára „Þetta var frábært skref og örugglega það besta sem gat komið fyrir mig. Ég var búinn að æfa mikið hjá Norrköping og spila marga leiki í neðri deildum,“ sagði Alfons. „Ég vissi alltaf hvað byggi í mér en vantaði að komast á svið þar sem ég fengi nokkra leiki í röð og sýna mig og sanna. Ég fékk traustið til þess hérna og það var mjög góð ákvörðun að koma hingað.“
Sambandsdeild Evrópu Norski boltinn Mest lesið Ólétta eiginkonan birti viðbjóðsleg skilaboð Enski boltinn Aftur lýst gjaldþrota: „Margir sem telja sig svikna í dag“ Handbolti Á morgun opinberar enska úrvalsdeildin hvaða liðum verður refsað Enski boltinn Littler hunsaði Beckham óvart Enski boltinn Þórir búinn að opna pakkann Handbolti „Þetta er ástæða þess að fólk sendir börnin sín í íþróttir“ Fótbolti Eyþór sóttur í Fylki: „Loksins einhver að koma að leika við þig“ Íslenski boltinn Fury segist vera hættur ... aftur Sport „Svo ömurlegt sem þjálfari að upplifa þetta“ Körfubolti Stal sjúkratöskunni til að koma Mbappé út af Fótbolti Fleiri fréttir Á morgun opinberar enska úrvalsdeildin hvaða liðum verður refsað Í beinni: Real Sociedad - Villarreal | Orri og félagar ætla að sökkva Gula kafbátnum Albert spilaði fyrri hálfleik í tapi Fiorentina Valdi norsku B-deildina fram yfir Víking Láki sækir leikmann sem hann þekkir vel Conte vill fá Garnacho í staðinn fyrir Kvaratskhelia Littler hunsaði Beckham óvart „Þjálfarinn sem að lokum tekur ákvörðunina um það hver okkar spilar“ Eyþór sóttur í Fylki: „Loksins einhver að koma að leika við þig“ Domino's gerði grín að Havertz Mærði hetju United: „Líf þitt getur breyst á einni viku“ Unnu fyrir þrettán ára vin sem lést úr hvítblæði Stal sjúkratöskunni til að koma Mbappé út af Ólétta eiginkonan birti viðbjóðsleg skilaboð „Þetta er ástæða þess að fólk sendir börnin sín í íþróttir“ „Við fengum ekki það sem við áttum skilið“ Frábær sigur hjá Cecilíu Rán og Napoli jók forystuna á ný Barca valtaði yfir erkifjendurna og vann Ofurbikarinn „Ætla að sýna að ég er rétti maðurinn“ „Fann frá fyrstu mínútu að þetta var okkar dagur“ Guðlaugur Victor mætir Liverpool og fjórir úrvalsdeildarslagir Ekkert mál fyrir Dýrlingana Tvö mörk frá Elíasi Má dugðu ekki til Havertz skúrkurinn þegar United fór áfram Benóný Breki fékk tækifæri gegn Crystal Palace Lömbin þögnuðu ekki fyrr en í framlengingu Nýju þjálfararnir byrjuðu á 8-0 sigri á KR „Eina leiðin fyrir mig til að lifa af í þessu eitraða umhverfi“ Fundu ellefu ára gamlan Rashford á götumynd Google Fengu Gumma Ben til að lýsa og stjörnur til að spila í styrktarleik fyrir vin sinn Sjá meira