Þroskaðist mikið við að verða faðir og nær allt gekk upp á liðnu tímabili Runólfur Trausti Þórhallsson skrifar 24. desember 2021 11:00 Viðar Ari Jónsson er eðlilega ánægður með nýafstaðið tímabil í Noregi. Sandefjord Viðar Ari Jónsson átti sitt besta tímabil á ferlinum í ár er hann fór á kostum með Sandefjord í norsku úrvalsdeildinni. Gengi liðsins var ágætt en Viðar Ari fór mikinn á hægri vængnum og gat vart hætt að skora. Viðar Ari segir börnin sín tvö hafa spilað stóran þátt í góðu gengi sínu innan vallar og þó hann líki Sandefjord við paradís ætlar hann að skoða markaðinn í janúar enda samningur hans runninn út og flest lið séu að leita sér að leikmönnum sem geti þanið netmöskvana nokkuð reglulega. „Ég myndi segja að þetta væri nánast fullkomið, frekar lítil en krúttleg borg. Það er svo sem ekkert brjálað líf þarna en fyrir nýbakaðan fjölskyldufaðir – og unga fjölskyldu – er þetta frábært. Veðrið hefur einnig leikið við okkur, fór upp í 28 eða 29 gráður síðasta sumar. Held að Sandefjord sé sólríkasta borg Noregs undanfarin fimm ár,“ sagði Viðar Ari um Sandefjord, 65 þúsund manna borg rétt fyrir utan Ósló. „Þegar við fáum gesti er samt alltaf tekin dagsferð til Ósló. Þetta er geggjuð staðsetning og í raun miklu skemmtilegra en Bergen þar sem ég var fyrst,“ bætti Viðar Ari við en hann gekk í raðir Brann árið 2017. Sandefjord er einkar huggulegur bær.VisitNorway Hinn 27 ára gamli Viðar Ari ræddi við Vísi fyrir skömmu, þá nýkominn heim í verðskuldað jólafrí eftir frábært tímabil með Sandefjord. „Tróðum góðum sokk í alla í Noregi.“ Þó Sandefjord hafi endað í 10. sæti af 16 í norsku úrvalsdeildinni með 36 stig, tíu stigum frá fallsæti, segir Viðar Ari tímabilið hafa verið mjög gott þar sem nær allir miðlar landsins spáðu liðinu niður „með 0 stig.“ Sandefjord endaði hins vegar með jafn mörg stig og liðið í 9. sæti, Íslendingalið Strømsgodset, og aðeins þremur stigum á eftir Sarpsborg 08 sem endaði í 8. sæti. „Við misstum of mikið af leikjum niður í jafntefli eða tap, fengum á okkur mörk undir lok leikja. Hefðum átt að vera ofar ef þú spyrð mig en fyrir klúbbinn og liðið á pappír þá var 10. sæti mjög fín niðurstaða. Fínasti árangur raunar þar sem allir spáðu okkur niður með 0 stig, tróðum góðum sokk í alla í Noregi.“ „Ég hafði gott af því að eignast þessi börn.“ Viðari Ari og Arna Jónsdóttir eiga nú tvö börn saman.Facebook/Viðar Ari Alls tók Viðar Ari þátt í 28 af 30 deildarleikjum Sandefjord á tímabilinu. Hann var markahæsti leikmaður liðsins með 11 mörk og jafnaði þar með markamet liðsins í efstu deild. Þá lagði hann einnig upp fimm mörk. Viðar Ari fer ekkert í grafgötur með að tímabilið hafi verið hans besta til þessa á ferlinum. „Ég held bara að það hafi örugglega 99 af 100 prósent gengið upp. Mitt besta tímabil í fótbolta á ferlinum til þessa. Það hljómar eins og klisja en ég hafði gott af því að eignast þessi börn, finnst ég sjálfur hafa þroskast mikið. Að verða pabbi hefur 100 prósent hjálpað mér innan vallar, þetta helst allt í hendur.“ „Ef ég hefði eitt rétt svar, ég veit það ekki. Það small bara allt hjá mér. Það fóru margir frá liðinu fyrir tímabilið og það var mikið af breytingum. Hlutverkið mitt varð í kjölfarið mun stærra en áður þar sem við misstum mikið af leikmönnum.“ „Ég náði að stíga upp frá síðasta tímabili þar sem ég skoraði aðeins tvö mörk. Skoraði alls 13 mörk í ár, 11 í deild og tvö í bikar. Þegar maður komst á bragðið þá féll þetta fyrir mann, skoraði í 2-3 leikjum í röð og vildi í kjölfarið meira.“ Viðar Ari ber Hans Erik Ødegaard, þjálfara liðsins, vel söguna. „Við fengum nýjan þjálfara, frá Noregi. Hann kom inn með allt aðrar áherslur og það hentaði mér mun betur en það sem við vorum að gera áður. Spiluðum opnari fótbolta eftir að hafa verið mjög varnarsinnaðir þar á undan. Skein í raun í gegn hvað þetta virkaði vel, sérstaklega fyrir mig.“ Viðar Ari fagnar einu marka sinna á leiktíðinni.Sandefjord „Ég leysti nokkra leiki í bakverði út af meiðslum og leikbönnum en var annars á kantinum nær allt tímabilið. Ég get leyst bakvörðinn nokkuð vel en myndi segja að mín aðalstaða í dag væri á vængnum. Það er ekkert verið að flækja þetta, hægri fótur á hægri kanti. Er hvort eð er hálftýndur þarna vinstra megin,“ sagði Viðar Ari að endingu og hló. Síðari hluti viðtalsins við Viðar Ara birtist á morgun. Þar fer hann yfir samningsmál sín en hann er í dag að skoða markaðinn eftir að samningur hans hjá Sandefjord rann út. Þá ræðir hann stöðu sína hjá íslenska landsliðinu en hann hefur ekki spilað landsleik síðan í upphafi árs 2018. Fótbolti Norski boltinn Mest lesið Má ekki koma inn í íþróttahús í tíu mánuði Körfubolti Segir að eitrað hafi verið fyrir leikmönnum liðsins Fótbolti Hulda Elma vann Hengil Ultra á brautarmeti Sport Snýr aftur til Íslands betri en nokkru sinni áður Körfubolti Taiwo Badmus staðfestur hjá Stólunum: „Ég er kominn heim“ Körfubolti „Vandræðalegt að fá krampa í bæði læri eftir sextíu mínútur“ Fótbolti „Þakklátur fyrir að konan sé tilbúin að leyfa mér að upplifa þetta“ Körfubolti Anníe Mist kynnir bók sem tók fjögur ár að skrifa: Bæði stressuð og spennt Sport Tvíburasystir vonarstjörnu lést Sport Fyrrum Arsenal leikmaður í fjögurra ára fangelsi: „Þú hentir öllu frá þér“ Sport Fleiri fréttir Framlengja við markahæsta manninn sinn Leikmenn Tottenham sagðir öskuillir og í uppreisnarhug eftir brottrekstur Ange Lið í tyrknesku úrvalsdeildinni búið að kaupa Loga Segir að eitrað hafi verið fyrir leikmönnum liðsins Lárus Orri fann ekki til með markverði Skota Clarke pirraður og stuttorður í viðtali eftir leik Raphinha valinn bestur en Lamine Yamal besti ungi „Vandræðalegt að fá krampa í bæði læri eftir sextíu mínútur“ „Við áttum þennan sigur klárlega skilið“ Elías Rafn: Gaman að spila fyrir landsliðið aftur „Ánægður með leikstjórnina hjá leikmönnum liðsins“ Norðmenn rúlluðu Ítölum upp í fyrri hálfleik Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Uppgjörið: Tindastóll-Valur 2-2 | Bið Valskvenna lengist enn Sjáðu mörk íslenska liðsins á móti Skotum Arnar gerir sex breytingar frá tapinu á móti Kosóvó Brynjar Björn í þjálfarateymi Víkings Albert gaf orðrómi um Everton undir fótinn Rekinn frá Tottenham Caroline kveður Þrótt og heldur heim til Bandaríkjanna Robertson um Íslendinga: „Augljóslega ósáttir eins og við“ Sjáðu fimm flottustu mörk maímánaðar Arnar sá Souness slást við leikmenn sína: „Voru allir skíthræddir við hann“ Sara Björk sá vel um sínar og Ísland mætir Norður-Írlandi í umspili Í bann fyrir að hylja skilaboð gegn hommafælni „Menn eru búnir að læra“ Robertson vildi ekki ræða Liverpool Hlakkar til að mæta syni Eiðs Smára Földu sig inn á klósetti í 27 klukkutíma og sáu úrslitaleikinn fritt „Spenntur að spila á móti svona stórum gæjum“ Sjá meira
Viðar Ari segir börnin sín tvö hafa spilað stóran þátt í góðu gengi sínu innan vallar og þó hann líki Sandefjord við paradís ætlar hann að skoða markaðinn í janúar enda samningur hans runninn út og flest lið séu að leita sér að leikmönnum sem geti þanið netmöskvana nokkuð reglulega. „Ég myndi segja að þetta væri nánast fullkomið, frekar lítil en krúttleg borg. Það er svo sem ekkert brjálað líf þarna en fyrir nýbakaðan fjölskyldufaðir – og unga fjölskyldu – er þetta frábært. Veðrið hefur einnig leikið við okkur, fór upp í 28 eða 29 gráður síðasta sumar. Held að Sandefjord sé sólríkasta borg Noregs undanfarin fimm ár,“ sagði Viðar Ari um Sandefjord, 65 þúsund manna borg rétt fyrir utan Ósló. „Þegar við fáum gesti er samt alltaf tekin dagsferð til Ósló. Þetta er geggjuð staðsetning og í raun miklu skemmtilegra en Bergen þar sem ég var fyrst,“ bætti Viðar Ari við en hann gekk í raðir Brann árið 2017. Sandefjord er einkar huggulegur bær.VisitNorway Hinn 27 ára gamli Viðar Ari ræddi við Vísi fyrir skömmu, þá nýkominn heim í verðskuldað jólafrí eftir frábært tímabil með Sandefjord. „Tróðum góðum sokk í alla í Noregi.“ Þó Sandefjord hafi endað í 10. sæti af 16 í norsku úrvalsdeildinni með 36 stig, tíu stigum frá fallsæti, segir Viðar Ari tímabilið hafa verið mjög gott þar sem nær allir miðlar landsins spáðu liðinu niður „með 0 stig.“ Sandefjord endaði hins vegar með jafn mörg stig og liðið í 9. sæti, Íslendingalið Strømsgodset, og aðeins þremur stigum á eftir Sarpsborg 08 sem endaði í 8. sæti. „Við misstum of mikið af leikjum niður í jafntefli eða tap, fengum á okkur mörk undir lok leikja. Hefðum átt að vera ofar ef þú spyrð mig en fyrir klúbbinn og liðið á pappír þá var 10. sæti mjög fín niðurstaða. Fínasti árangur raunar þar sem allir spáðu okkur niður með 0 stig, tróðum góðum sokk í alla í Noregi.“ „Ég hafði gott af því að eignast þessi börn.“ Viðari Ari og Arna Jónsdóttir eiga nú tvö börn saman.Facebook/Viðar Ari Alls tók Viðar Ari þátt í 28 af 30 deildarleikjum Sandefjord á tímabilinu. Hann var markahæsti leikmaður liðsins með 11 mörk og jafnaði þar með markamet liðsins í efstu deild. Þá lagði hann einnig upp fimm mörk. Viðar Ari fer ekkert í grafgötur með að tímabilið hafi verið hans besta til þessa á ferlinum. „Ég held bara að það hafi örugglega 99 af 100 prósent gengið upp. Mitt besta tímabil í fótbolta á ferlinum til þessa. Það hljómar eins og klisja en ég hafði gott af því að eignast þessi börn, finnst ég sjálfur hafa þroskast mikið. Að verða pabbi hefur 100 prósent hjálpað mér innan vallar, þetta helst allt í hendur.“ „Ef ég hefði eitt rétt svar, ég veit það ekki. Það small bara allt hjá mér. Það fóru margir frá liðinu fyrir tímabilið og það var mikið af breytingum. Hlutverkið mitt varð í kjölfarið mun stærra en áður þar sem við misstum mikið af leikmönnum.“ „Ég náði að stíga upp frá síðasta tímabili þar sem ég skoraði aðeins tvö mörk. Skoraði alls 13 mörk í ár, 11 í deild og tvö í bikar. Þegar maður komst á bragðið þá féll þetta fyrir mann, skoraði í 2-3 leikjum í röð og vildi í kjölfarið meira.“ Viðar Ari ber Hans Erik Ødegaard, þjálfara liðsins, vel söguna. „Við fengum nýjan þjálfara, frá Noregi. Hann kom inn með allt aðrar áherslur og það hentaði mér mun betur en það sem við vorum að gera áður. Spiluðum opnari fótbolta eftir að hafa verið mjög varnarsinnaðir þar á undan. Skein í raun í gegn hvað þetta virkaði vel, sérstaklega fyrir mig.“ Viðar Ari fagnar einu marka sinna á leiktíðinni.Sandefjord „Ég leysti nokkra leiki í bakverði út af meiðslum og leikbönnum en var annars á kantinum nær allt tímabilið. Ég get leyst bakvörðinn nokkuð vel en myndi segja að mín aðalstaða í dag væri á vængnum. Það er ekkert verið að flækja þetta, hægri fótur á hægri kanti. Er hvort eð er hálftýndur þarna vinstra megin,“ sagði Viðar Ari að endingu og hló. Síðari hluti viðtalsins við Viðar Ara birtist á morgun. Þar fer hann yfir samningsmál sín en hann er í dag að skoða markaðinn eftir að samningur hans hjá Sandefjord rann út. Þá ræðir hann stöðu sína hjá íslenska landsliðinu en hann hefur ekki spilað landsleik síðan í upphafi árs 2018.
Fótbolti Norski boltinn Mest lesið Má ekki koma inn í íþróttahús í tíu mánuði Körfubolti Segir að eitrað hafi verið fyrir leikmönnum liðsins Fótbolti Hulda Elma vann Hengil Ultra á brautarmeti Sport Snýr aftur til Íslands betri en nokkru sinni áður Körfubolti Taiwo Badmus staðfestur hjá Stólunum: „Ég er kominn heim“ Körfubolti „Vandræðalegt að fá krampa í bæði læri eftir sextíu mínútur“ Fótbolti „Þakklátur fyrir að konan sé tilbúin að leyfa mér að upplifa þetta“ Körfubolti Anníe Mist kynnir bók sem tók fjögur ár að skrifa: Bæði stressuð og spennt Sport Tvíburasystir vonarstjörnu lést Sport Fyrrum Arsenal leikmaður í fjögurra ára fangelsi: „Þú hentir öllu frá þér“ Sport Fleiri fréttir Framlengja við markahæsta manninn sinn Leikmenn Tottenham sagðir öskuillir og í uppreisnarhug eftir brottrekstur Ange Lið í tyrknesku úrvalsdeildinni búið að kaupa Loga Segir að eitrað hafi verið fyrir leikmönnum liðsins Lárus Orri fann ekki til með markverði Skota Clarke pirraður og stuttorður í viðtali eftir leik Raphinha valinn bestur en Lamine Yamal besti ungi „Vandræðalegt að fá krampa í bæði læri eftir sextíu mínútur“ „Við áttum þennan sigur klárlega skilið“ Elías Rafn: Gaman að spila fyrir landsliðið aftur „Ánægður með leikstjórnina hjá leikmönnum liðsins“ Norðmenn rúlluðu Ítölum upp í fyrri hálfleik Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Uppgjörið: Tindastóll-Valur 2-2 | Bið Valskvenna lengist enn Sjáðu mörk íslenska liðsins á móti Skotum Arnar gerir sex breytingar frá tapinu á móti Kosóvó Brynjar Björn í þjálfarateymi Víkings Albert gaf orðrómi um Everton undir fótinn Rekinn frá Tottenham Caroline kveður Þrótt og heldur heim til Bandaríkjanna Robertson um Íslendinga: „Augljóslega ósáttir eins og við“ Sjáðu fimm flottustu mörk maímánaðar Arnar sá Souness slást við leikmenn sína: „Voru allir skíthræddir við hann“ Sara Björk sá vel um sínar og Ísland mætir Norður-Írlandi í umspili Í bann fyrir að hylja skilaboð gegn hommafælni „Menn eru búnir að læra“ Robertson vildi ekki ræða Liverpool Hlakkar til að mæta syni Eiðs Smára Földu sig inn á klósetti í 27 klukkutíma og sáu úrslitaleikinn fritt „Spenntur að spila á móti svona stórum gæjum“ Sjá meira
Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu