Kínverskum landsliðsmönnum bannað að fá sér húðflúr

Ekki nóg með að landsliðsmönnum sé bannað að fá sér ný húðflúr heldur er mælst til þess að þeir sem eru með flúr láti fjarlægja þau og feli í æfingum og leikjum með landsliðinu.

Samkvæmt kínverskum stjórnvöldum á þetta að sýna að landsliðsmenn séu fyrirmyndar borgarar.

Þá verða leikmenn ekki valdir í yngri landslið Kína ef þeir eru flúraðir.

Nokkra athygli vakti þegar Silvio Berlusconi ákvað að kaupa ekki flúraða leikmenn til félagsins síns, Monza. Hann hélt því þó ekki til streitu.