Handbolti

Dregið í bikarnum: Greið leið fyrir FH en Valur gæti mætt Haukum

Sindri Sverrisson skrifar
KA/Þór varð bikarmeistari á síðasta ári og vann raunar alla titla sem í boði voru.
KA/Þór varð bikarmeistari á síðasta ári og vann raunar alla titla sem í boði voru. vísir/Hulda Margrét

Fjöldi bikarleikja fer fram næstu daga í 16-liða úrslitum Coca Cola bikarsins í handbolta og um helgina verða svo 8-liða úrslitin leikin.

Í dag var dregið í 8-liða úrslit karla og kvenna. Aðeins eitt karlalið er þegar öruggt í 8-liða úrslit og tvö kvennalið, en leikið verður í 16-liða úrslitunum á þriðjudag, miðvikudag og fimmtudag.

Ljóst er að að minnsta kosti einn úrvalsdeildarslagur verður í 8-liða úrslitum karla því sigurliðið úr leik Stjörnunnar og KA mun mæta Gróttu eða Haukum. FH-ingar, sem mæta Herði í 16-liða úrslitum, eiga hins vegar möguleika á að komast í undanúrslit án þess að mæta úrvalsdeildarliði.

Bikarmeistarar Vals voru nokkuð heppnir með drátt.vísir/Hulda Margrét

Í 8-liða úrslitum kvenna er útlit fyrir stórleik á milli Vals og Hauka en þá þurfa Haukar að slá út 1. deildarlið Selfoss. Meistarar KA/Þórs fengu heimaleik við sigurliðið úr leik Aftureldingar og HK.

8-liða úrslit karla

  • Valur eða HK - Vængir Júpiters eða Víkingur
  • Stjarnan eða KA - Grótta eða Haukar
  • Hörður eða FH - Þór Akureyri
  • ÍR eða Selfoss - Kórdrengir eða ÍBV

8-liða úrslit kvenna

  • Valur - Selfoss eða Haukar
  • ÍR eða Grótta - Víkingur eða Fram
  • Fjölnir/Fylkir eða ÍBV - FH eða Stjarnan
  • KA/Þór - Afturelding eða HK
Íslenski handboltinn

Mest lesið


Fleiri fréttir

Sjá meira


×

Mest lesið