Innlent

Teitur Björn ráðinn að­stoðar­maður ríkis­stjórnarinnar

Bjarki Sigurðsson skrifar
Teitur Björn Einarsson, varaþingmaður Sjálfstæðisflokksins í Norðvesturkjördæmi og nýr aðstoðarmaður ríkisstjórnarinnar.
Teitur Björn Einarsson, varaþingmaður Sjálfstæðisflokksins í Norðvesturkjördæmi og nýr aðstoðarmaður ríkisstjórnarinnar.

Teitur Björn Einarsson hefur verið ráðinn aðstoðarmaður ríkisstjórnarinnar. Teitur starfaði áður sem aðstoðarmaður dómsmálaráðherra og er varaþingmaður Sjálfstæðisflokksins.

Sem aðstoðarmaður ríkisstjórnarinnar mun Teitur meðal annars sinna verkefnum á sviði sjálfbærni og þjóðaröryggismála, auk þess sem hann mun vinna að samhæfingu mála ásamt öðrum aðstoðarmönnum. Aðrir aðstoðarmenn ríkisstjórnarinnar eru Henný Hinz og Dagný Jónsdóttir.

Í febrúar var Teitur ráðinn aðstoðarmaður dómsmálaráðherra en fyrir það starfaði hann sem lögmaður hjá Íslensku lögfræðistofunni og sem aðstoðarmaður fjármálaráðherra. Hann hefur setið á þingi fyrir Sjálfstæðisflokkinn og er nú varaþingmaður flokksins í Norðvesturkjördæmi.

Ríkisstjórn Katrínar Jakobsdóttur Alþingi Stjórnsýsla

Mest lesið


Fleiri fréttir

Sjá meira


×

Mest lesið