Dóttir The Rock þreytti glímufrumraun sína

Hin 21 árs Simone Johnson þreytti frumraun sína í sjónvarpskeppni á þriðjudaginn. Hún er hluti af hópnum Schism.

Simone fetaði þar með ekki bara í fótspor föður síns heldur einnig afa, Rocky Johnson, og langafa, Peter Maivia. Þá var langamma hennar, Lia Maivia, umboðskona í glímuheiminum.

Simone samdi við WWE-samtökin fyrir tveimur árum. Babb kom í bátinn þegar hún þurfti að fara í hnéaðgerð í september 2020. Það var hennar þriðja aðgerð á hné. Simone hefur hins vegar náð sér vel af meiðslunum og þreytti sjónvarpsraun sína í vikunni. Hún keppir undir nafninu Ava Raine.

The Rock er almennt talinn einn fremsti glímukappi allra tíma. Hann færði sig síðan yfir á hvíta tjaldið og er einn tekjuhæsti leikari heims.