Vanda sig, takk! Grétar Ingi Erlendsson skrifar 19. nóvember 2022 13:00 Það er alltaf gaman að sjá þegar okkar góðu þingmenn láta sig málefni sveitarfélaga varða. Það var þó minna gaman þegar ágætur þingmaður Pírata, Andrés Ingi á þingi, ákvað að gera Þorlákshöfn að þungamiðju ræðu sinnar á Alþingi í gær. Þá sér í lagi vegna þess að téður þingmaður hefur ekki gert mikla tilraun til að kynna sér málin áður en hann ruddist upp í pontu og jós úr sér fullyrðingum sem eiga sér engar stoðir í raunheimum. Af virðingu fyrir Sveitarfélaginu sem ég var kosinn fyrir sem og Alþingi langar mig að leggja fram nokkrar staðreyndir í málinu sem þingmaðurinn hefði e.t.v. átt að kynna sér: Andrés segir: „íbúar eru á móti þessu“ – það væri fróðlegt að vita hvernig þessi ágæti þingmaður geti fullyrt um þetta. Enginn íbúakosning hefur farið fram ennþá og þessi íbúafundur sem hann vitnar í gaf ekki tilefni til að ætla að meirihluti fundarmanna væri á móti. Ólíkt þingmanninum þá var ég á fundinum og því nokkuð góðri stöðu að meta það sem þar fór fram. Þar voru vissulega áhyggjuraddir en það komu einnig sjónarmið fram um mikilvægi þess að skoða hlutina áður en þeim er hent út af borðinu. Ég myndi halda að á bilinu 250-300 manns hafi sótt fundinn. Fólk var áhugasamt og spurði margra spurninga. Spurninga sem ekki voru svör við þar sem verkefnið er á fyrstu metrunum eins og kom margoft fram. Mín tilfinning eftir fundinn og eftir að hafa rætt við marga bæjarbúa er sú að fólk vill fá meiri og betri upplýsingar, mynda sér skoðun og kjósa svo um verkefnið. Þó vissulega séu einhverjir sem vilja loka á þetta strax. Andrés segir: „fyrir utan áhyggjur fólks af umhverfisáhrifum þar sem efnistakan er, þá er fólk eðlilega með áhyggjur af því hvernig áhrifin eru á hafnarbakkanum“ - Andrés hefði mögulega átt að mæta á fundinn því þetta er ekki upplifun mín, né margra annarra, sem mættum. Áhyggjur fólks sneru að mestu leyti um stærð og útlit verksmiðjunnar sjálfrar, flutningsleiða efnisins auk mögulegrar mengunar af starfseminni. Hönnun liggur ekki fyrir en ljóst er að bæjarstjórn Ölfuss hefur sett ríkar kröfur á öll þessi atriði og verður enginn afsláttur gefinn í þeim efnum. Ef Andrés hefur áhyggjur af framboði af iðnaðarlóðum má benda honum á að staðan er langt í frá þannig að lóðarskortur sé í vændum við hafnarsvæðið. Því fer fjarri. Það kemur t.a.m. skýrt fram í aðalskipulagi Ölfuss sem hann hefði getað kynnt sér áður en hann fór í pontu. Andrés segir: „það á að skerma miðbæ Þorlákshafnar frá austurhluta Suðurlands“ – ég meina, er manninum alvara? Þó verksmiðjan rísi þá sé ég jafnlítið til Hafnar í Hornafirði. Sólin mun áfram rísa í Austri og setjast í Vestri og verksmiðjan mun ekki skerma neitt. Þ.e.a.s. ef verksmiðjan verður staðsett þar sem Heidelberg hefur óskað eftir. Þvert á móti gæti það orðið að af henni myndist eitthvert skjól fyrir ríkjandi vindátt hér (norðaustan átt) í þessu örfáu skipti sem vindur fer yfir 3 m/sek hér í Þorláksheaven. Andrés segir: „góðir grannar reisa ekki háhitavirkjanir í bakgarðinum hjá nágrönnum sínum“ – það vill svo til að bæjarstjórinn okkar er ráðinn en ekki kjörinn. Þau orð sem hann lét falla um friðlýsingu Reykjadals og mögulega orkunýtingu á því svæði eru ekki endilega lýsandi fyrir hans skoðun heldur er hann að framfylgja þeirri stefnu sem bæjarstjórn Ölfuss samþykkti samhljóða á kjörtímabilinu 2018-2022. Þar sem þingmanninum er umhugað um hvernig náungakærleik skuli háttað þá má benda honum á að í sveitarfélaginu er ein stærsta jarðvarmavirkjun í heimi. Eignarhaldið á þeirri virkjun er á höndum nágranna okkar, sveitarfélaga á höfuðborgarsvæðinu. Þegar frosthörkur eru miklar höfum við neyðst til að kæla sundlaugina okkar en á sama tíma eru Dagur B. Eggertson, og borgarfulltrúar á höfuðborgarsvæðinu, í fótabaði í Nauthólsvíkinni. Með heitu vatni sem kemur úr Ölfusi. Ef aðgengi að orku er ekki til staðar getur það orðið flöskuháls á frekari atvinnuuppbyggingu og íbúafjölgun hjá okkur og nágrönnum okkar í Hveragerði. Það er staða sem er óásættanleg. Hvernig væri þingmenn myndu beita þér fyrir því að íbúar í þeim sveitarfélögum þar sem orkan verður til fái sinn skerf? Í Grímsnes og Grafningshreppi þurfa íbúar sem búa í nokkur hundruð metra fjarlægð frá Nesjavallavirkjun að kynda með rafmagni á meðan heita vatnið sem rennur undir fótum þeirra fer allt til Reykjavíkur. Finnst ágætum þingmanni þetta eðlileg staða? Andrés spyr: „Er eðlilegt að bæjarstjórn hafi úrslitavald um framkvæmdir?“ – Ég spyr á móti: er ekki óeðlilegt að ríkisvaldið taki fram fyrir hendurnar á sveitarfélögum? Þá sér í lagi vegna þess að þau hafa stjórnarskrárvarinn rétt til sjálfsákvörðunar? En samkvæmt 1. mgr. 78. gr. Stjórnarskrárinnar kveður á um að „sveitarfélög skulu sjálf ráða málefnum sínum eftir því sem lög ákveða“. Til upprifjunar fyrir ágæta þingmann að þá er hugsunin að baki þeirri lýðræðishugsun sú að íbúar hafi rétt til þess að hafa áhrif á nærumhverfi sitt. Eins og margoft hefur komið fram þá munu íbúar Ölfuss kjósa um verkefnið þegar þar að kemur og munu því hafa fullt og ótakmarkað vald til þess að hafa áhrif á afdrif þess. Í stað þess að skipta sé af því hvernig íbúar í sveitarfélaginu Ölfusi vilja haga uppbyggingu sinni væri nær að þessi ágæti þingmaður kæmi á vagninn með okkur og aðstoðaði okkur við að laða að fyrirtæki sem vilja skapa verðmæti fyrir þjóðarbúið. Það er ekki bara íbúum Ölfuss í hag heldur öllum landsmönnum. Við biðjum ekki um mikið. Örfáar krónur í áframhaldandi stækkun hafnarinnar og tvöföldun á þrengslum og Þorlákshafnarvegi. Fínt ef það væri hægt að koma því á samgönguáætlun næstu þriggja ára. Í það minnsta fer ég fram á að okkar annars frábæru þingmenn, vandi sig þegar þeir stíga í pontu Alþingis okkar Íslendinga. Höfundur er formaður bæjarráðs í Ölfusi. Viltu birta grein á Vísi? Sendu okkur póst. Senda grein Ölfus Píratar Alþingi Sveitarstjórnarmál Skipulag Mest lesið Konur á örorku Sigríður Ingibjörg Ingadóttir,Steinunn Bragadóttir Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Ekki sama hvaðan gott kemur Magnea Gná Jóhannsdóttir Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Drambið okkar Júlíus Valsson Skoðun Skoðun Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason skrifar Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson skrifar Skoðun Konur á örorku Sigríður Ingibjörg Ingadóttir,Steinunn Bragadóttir skrifar Skoðun Drambið okkar Júlíus Valsson skrifar Skoðun Við vitum Guðrún Jónsdóttir skrifar Skoðun Ekki sama hvaðan gott kemur Magnea Gná Jóhannsdóttir skrifar Skoðun Börn í meðferð eiga rétt á fagfólki orð duga ekki lengur! Steindór Þórarinsson skrifar Skoðun Greindarskerðing eða ofurgáfur með gervigreind Björgmundur Örn Guðmundsson skrifar Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar Skoðun Stöndum saman gegn fjölþáttaógnum Bryndís Haraldsdóttir skrifar Skoðun Hagræðing á kostnað fjölbreytni og gæðamenntunar Ida Marguerite Semey skrifar Skoðun Umbúðir en ekkert innihald í Hafnarfirði Einar Geir Þorsteinsson skrifar Skoðun Við viljum tala íslensku, en hvernig Ólafur Guðsteinn Kristjánsson skrifar Skoðun Mansalsmál á Íslandi Kristján Þórður Snæbjarnarson skrifar Skoðun Hættur heimsins virða engin landamæri Tótla I. Sæmundsdóttir skrifar Skoðun Tímamót í sjálfsvígsforvörnum Ingibjörg Isaksen skrifar Skoðun Yfirgangur, yfirlæti og endastöð Strætó Axel Hall skrifar Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Skoðun Sex ára sáttmáli Davíð Þorláksson skrifar Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar Skoðun Stjórnendur sem mega ekki stjórna Stefán Vagn Stefánsson skrifar Skoðun Stokkhólmseinkenni sem við ættum að forðast Aðalsteinn Júlíus Magnússon skrifar Skoðun Eflum iðnlöggjöfina og stöðvum brotin Hilmar Harðarson skrifar Skoðun Pjattkratar taka til Þorsteinn Sæmundsson skrifar Skoðun Sumt er bara ekki hægt að rökræða Ása Lind Finnbogadóttir skrifar Sjá meira
Það er alltaf gaman að sjá þegar okkar góðu þingmenn láta sig málefni sveitarfélaga varða. Það var þó minna gaman þegar ágætur þingmaður Pírata, Andrés Ingi á þingi, ákvað að gera Þorlákshöfn að þungamiðju ræðu sinnar á Alþingi í gær. Þá sér í lagi vegna þess að téður þingmaður hefur ekki gert mikla tilraun til að kynna sér málin áður en hann ruddist upp í pontu og jós úr sér fullyrðingum sem eiga sér engar stoðir í raunheimum. Af virðingu fyrir Sveitarfélaginu sem ég var kosinn fyrir sem og Alþingi langar mig að leggja fram nokkrar staðreyndir í málinu sem þingmaðurinn hefði e.t.v. átt að kynna sér: Andrés segir: „íbúar eru á móti þessu“ – það væri fróðlegt að vita hvernig þessi ágæti þingmaður geti fullyrt um þetta. Enginn íbúakosning hefur farið fram ennþá og þessi íbúafundur sem hann vitnar í gaf ekki tilefni til að ætla að meirihluti fundarmanna væri á móti. Ólíkt þingmanninum þá var ég á fundinum og því nokkuð góðri stöðu að meta það sem þar fór fram. Þar voru vissulega áhyggjuraddir en það komu einnig sjónarmið fram um mikilvægi þess að skoða hlutina áður en þeim er hent út af borðinu. Ég myndi halda að á bilinu 250-300 manns hafi sótt fundinn. Fólk var áhugasamt og spurði margra spurninga. Spurninga sem ekki voru svör við þar sem verkefnið er á fyrstu metrunum eins og kom margoft fram. Mín tilfinning eftir fundinn og eftir að hafa rætt við marga bæjarbúa er sú að fólk vill fá meiri og betri upplýsingar, mynda sér skoðun og kjósa svo um verkefnið. Þó vissulega séu einhverjir sem vilja loka á þetta strax. Andrés segir: „fyrir utan áhyggjur fólks af umhverfisáhrifum þar sem efnistakan er, þá er fólk eðlilega með áhyggjur af því hvernig áhrifin eru á hafnarbakkanum“ - Andrés hefði mögulega átt að mæta á fundinn því þetta er ekki upplifun mín, né margra annarra, sem mættum. Áhyggjur fólks sneru að mestu leyti um stærð og útlit verksmiðjunnar sjálfrar, flutningsleiða efnisins auk mögulegrar mengunar af starfseminni. Hönnun liggur ekki fyrir en ljóst er að bæjarstjórn Ölfuss hefur sett ríkar kröfur á öll þessi atriði og verður enginn afsláttur gefinn í þeim efnum. Ef Andrés hefur áhyggjur af framboði af iðnaðarlóðum má benda honum á að staðan er langt í frá þannig að lóðarskortur sé í vændum við hafnarsvæðið. Því fer fjarri. Það kemur t.a.m. skýrt fram í aðalskipulagi Ölfuss sem hann hefði getað kynnt sér áður en hann fór í pontu. Andrés segir: „það á að skerma miðbæ Þorlákshafnar frá austurhluta Suðurlands“ – ég meina, er manninum alvara? Þó verksmiðjan rísi þá sé ég jafnlítið til Hafnar í Hornafirði. Sólin mun áfram rísa í Austri og setjast í Vestri og verksmiðjan mun ekki skerma neitt. Þ.e.a.s. ef verksmiðjan verður staðsett þar sem Heidelberg hefur óskað eftir. Þvert á móti gæti það orðið að af henni myndist eitthvert skjól fyrir ríkjandi vindátt hér (norðaustan átt) í þessu örfáu skipti sem vindur fer yfir 3 m/sek hér í Þorláksheaven. Andrés segir: „góðir grannar reisa ekki háhitavirkjanir í bakgarðinum hjá nágrönnum sínum“ – það vill svo til að bæjarstjórinn okkar er ráðinn en ekki kjörinn. Þau orð sem hann lét falla um friðlýsingu Reykjadals og mögulega orkunýtingu á því svæði eru ekki endilega lýsandi fyrir hans skoðun heldur er hann að framfylgja þeirri stefnu sem bæjarstjórn Ölfuss samþykkti samhljóða á kjörtímabilinu 2018-2022. Þar sem þingmanninum er umhugað um hvernig náungakærleik skuli háttað þá má benda honum á að í sveitarfélaginu er ein stærsta jarðvarmavirkjun í heimi. Eignarhaldið á þeirri virkjun er á höndum nágranna okkar, sveitarfélaga á höfuðborgarsvæðinu. Þegar frosthörkur eru miklar höfum við neyðst til að kæla sundlaugina okkar en á sama tíma eru Dagur B. Eggertson, og borgarfulltrúar á höfuðborgarsvæðinu, í fótabaði í Nauthólsvíkinni. Með heitu vatni sem kemur úr Ölfusi. Ef aðgengi að orku er ekki til staðar getur það orðið flöskuháls á frekari atvinnuuppbyggingu og íbúafjölgun hjá okkur og nágrönnum okkar í Hveragerði. Það er staða sem er óásættanleg. Hvernig væri þingmenn myndu beita þér fyrir því að íbúar í þeim sveitarfélögum þar sem orkan verður til fái sinn skerf? Í Grímsnes og Grafningshreppi þurfa íbúar sem búa í nokkur hundruð metra fjarlægð frá Nesjavallavirkjun að kynda með rafmagni á meðan heita vatnið sem rennur undir fótum þeirra fer allt til Reykjavíkur. Finnst ágætum þingmanni þetta eðlileg staða? Andrés spyr: „Er eðlilegt að bæjarstjórn hafi úrslitavald um framkvæmdir?“ – Ég spyr á móti: er ekki óeðlilegt að ríkisvaldið taki fram fyrir hendurnar á sveitarfélögum? Þá sér í lagi vegna þess að þau hafa stjórnarskrárvarinn rétt til sjálfsákvörðunar? En samkvæmt 1. mgr. 78. gr. Stjórnarskrárinnar kveður á um að „sveitarfélög skulu sjálf ráða málefnum sínum eftir því sem lög ákveða“. Til upprifjunar fyrir ágæta þingmann að þá er hugsunin að baki þeirri lýðræðishugsun sú að íbúar hafi rétt til þess að hafa áhrif á nærumhverfi sitt. Eins og margoft hefur komið fram þá munu íbúar Ölfuss kjósa um verkefnið þegar þar að kemur og munu því hafa fullt og ótakmarkað vald til þess að hafa áhrif á afdrif þess. Í stað þess að skipta sé af því hvernig íbúar í sveitarfélaginu Ölfusi vilja haga uppbyggingu sinni væri nær að þessi ágæti þingmaður kæmi á vagninn með okkur og aðstoðaði okkur við að laða að fyrirtæki sem vilja skapa verðmæti fyrir þjóðarbúið. Það er ekki bara íbúum Ölfuss í hag heldur öllum landsmönnum. Við biðjum ekki um mikið. Örfáar krónur í áframhaldandi stækkun hafnarinnar og tvöföldun á þrengslum og Þorlákshafnarvegi. Fínt ef það væri hægt að koma því á samgönguáætlun næstu þriggja ára. Í það minnsta fer ég fram á að okkar annars frábæru þingmenn, vandi sig þegar þeir stíga í pontu Alþingis okkar Íslendinga. Höfundur er formaður bæjarráðs í Ölfusi.
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar
Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar
Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar
Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun