Íslandsbanarnir tryggðu sér HM-sæti á dramatískan hátt

Portúgal endaði íslenska drauminn um HM-sæti í umspili og endaði að tryggja sér sæti á sínu fyrsta heimsmeistaramóti.

Íslenska liðið hefði farið beint inn á HM með sigri á Portúgal í umspilsleiknum í Portúgal í október síðastliðnum en þær portúgölsku tryggðu sér bara sæti í sérstöku umspili sem fór fram á Nýja-Sjálandi.

Portúgalska liðið náði að klára það en úrslitin réðust þegar Portúgal fékk vítaspyrnu í uppbótatíma.

Hinn 32 ára gamla Carole Costa fór á vítapunktinn og skoraði sigurmarkið á fjórðu mínútu uppbótatímans. Costa skoraði einnig úr vítaspyrnu í sigurleiknum á móti Íslandi en þá kom hún sínu liðu í 1-0.

Diana Gomes kom Portúgal í 1-0 á móti Kamerún á 22. mínútu en kamerúnska liðið jafnaði á 89. mínútu leiksins með marki frá Ajara Nchout sem spilar með Internazionale á Ítalíu.

Portúgal verður því í riðli með Bandaríkjunum, Hollandi og Víetnam en leikir riðilsins fara fram á Nýja-Sjálandi.