Sport

„Vertu alltaf fljótari en strákarnir“

Óskar Ófeigur Jónsson skrifar
Mikaela Shiffrin með heimsbikarskúlurnar sem hún vann á þessu tímabili í samanlögðu, svigi og stórsvigi.
Mikaela Shiffrin með heimsbikarskúlurnar sem hún vann á þessu tímabili í samanlögðu, svigi og stórsvigi. AP/Alessandro Trovati

Sigursælasti skíðamaður allra tíma, bandaríska skíðakonan Mikaela Shiffrin skrifaði söguna á þessu tímabili og vann að auki þrjá af fimm heimsbikarmeistaratitlum í boði.

Hin 27 ára gamla Shiffrin sló met Svíans Ingemar Stenmark þegar hún vann sinn 87. heimsbikarmót og endaði tímabilið með 88 sigra.

Hún var síðan heimsbikarmeistari í samanlögðu, í svigi og í stórsvigi.

Árangur Shiffrin hefur auðvitað vakið mikla athygli og hún var gestur í Today Show á NBC sjónvarpsstöðinni. Þar útskýrði Shiffrin það sem stendur aftan á hjálminum hennar.

Það fyrra er „ABFTTB“ en hitt er „Be Nice, think first, have fun“.

„ABFTTB“ er það sem ein af átrúnaðargoðum hennar, skíðakonan Heidi Voelker, skrifaði á plakat fyrir hana og stendur fyrir „Always Be Faster Than The Boys“ eða „Vertu alltaf fljótari en strákarnir“ á íslensku.

Hitt var það sem foreldrar hennar sögðu alltaf við hana og er upp á íslensku „Vertu vingjarnleg, hugsaðu fyrst, hafðu gaman“.

Hér fyrir neðan má sjá Mikaela Shiffrin segja frá þessu í þættinum.

Skíðaíþróttir

Mest lesið


Fleiri fréttir

Sjá meira


×

Mest lesið