Hrafnarnir mínir Ragnar Erling Hermannsson skrifar 24. apríl 2023 08:30 Ég hef rætt um hvað stuðningur ykkar kæru Íslendingar hefur skipt sköpum á þeirri vegferð sem ég ákvað að halda varðandi heimilislausa og fíknsjúkdóminn. Það er ekki glæta að ég hefði nennt að standa í þessu ef ekki væri fyrir endalausar hvatningar ykkar og staðfestingar að ég sé að gera eitthvað rétt. En þó svo fallegar athugasemdir og peningagjafir séu ómetanlegur hlekkur í þessu ferli þá langar mig að minnast á fólk sem hefur reynst hornsteinn í baráttu okkar. Fyrir utan að sjálfsögðu starfsmenn gistiskýlanna og allra sem styðja okkur og vilja ekkert nema fallegt fyrir okkur … … langar mig að monta mig af ákveðnum hóp samfélagsins … Ég kalla þau Fallegu Svörtu Hrafnana mína! „Ég óska þess að þú farir að ná þér!“ Orð þessa gullfallega manns hafa fylgt mér síðan ég sat, alls ekki allsgáður eftir lokanir skemmtistaða á miðjum Laugavegi sumarið 2020. Batman bíllinn eins og ég kalla vígalegu Volvo bifreiðir þeirra silaðist hægt framhjá og gerði hann sér ferð að skrúfa niður rúðuna og segja þetta við mig. Það var ekki auðvelt að horfa framan í Íslendinga eftir að ég byrjaði aftur að neita vímuefna í apríl 2018 , þið sáuð augljóslega að ég var undir áhrifum eftir að hafa gefið mig út í fjölmiðlum að vera allsgáður s.l. 4 og hálft ár. Vonbrigðin leyndu sér ekki. Það var þarna í miðjum Reykjavíkur sullupollinum sem ég fattaði alvarleika þess að ég var aftur byrjaður að skemma fyrir sjálfum mér. Honum var einlægt ekki sama. Burt séð frá öllum okkar upplifunum varðandi samskipti okkar við lögregluna þá langar mig að sjá hvort við getum sett okkur í þeirra spor (að sjálfsögðu getum við það aldrei)! „Hvað vitum við svosem um hvaða hurðir þau þurfa að opna í sínu starfi?“. Ætli þau fái bónusa fyrir að finna okkur hangandi í snöru eða veifandi að þeim hníf? … ætla leyfa mér að efast þó svo ég viti ekkert um það. Það eru Hrafnarnir sem standa frammi fyrir ömurlegustu og erfiðustu tímum lífs okkar! Og það er á erfiðustu tímum okkar sem við erum ekki þau kurteisustu og ofan á allt álag fá þau öskur og vanþakklæti fyrir að, ætla ég að leyfa mér að segja, sinna skítverkum samfélagsins! Þvílíkar hetjur!!! Alveg eins og með allt í mannlegri flóru þá eru skemmd epli allsstaðar, ég hef oft verið það sjálfur. En ástæða þess að ég skrifa þessi orð er augljóst augnaráð einlægrar löngunar til að hjálpa fólki sem ég sé í andlitum þeirra, sérstaklega á undanförnum mánuðum með fjöldann allan af ungu fólki sem hefur valið þennan, fullkomlega vanmetna vettvang til þjónustu. RESPECT RESPECT RESPECT!!! Ég vona svo sannarlega að þessi orð komi ekki illa við neitt ykkar, Fallegu Hrafnarnir mínir og bið til æðri máttarvalda að fá að koma orðum mínum frá mér á virðingaverðan hátt… …það er a.m.k. ásetningur minn. Það skiptir okkur öll, svo ég tali um þá sem þjást af fíkn stórkostlegu máli að hafa ykkur með í liði. Hvers vegna langar mig að hrósa ykkur fyrir störf ykkar? Ég tala alls ekki aðeins fyrir mína hönd þegar ég nefni dæmi sem ég varð vitni að um daginn á gistiskýlinu á Granda. Af virðingu við lögregluþjóninn sem þar kom til að flytja mjög svo veikan mann upp á geðdeild ætla ég ekki að tilgreina númerið hans þó svo mig langi, frammi fyrir alþjóð að kunngjöra hvað þið sinntuð starfi ykkar af mikilli fagmennsku og samkennd. Mig langaði helst að bresta í grát .. slíkur var kærleikur ykkar beggja sem komuð á þennan vettvang. Sá eiginleiki að ná að róa taugakerfi fólks niður með orðunum einum er ofurkraftur frá Guði sjálfum og það fyllir mig lotningu að vita að svona fólk sé að sinna svo þungu verkefni …. Takk! Það eru svo mörg dæmi sem mig langar að nefna s.s. hvatningar ykkar tveggja sem komuð á vettvang þegar Reykjavíkurborg sendi ykkur til að fjarlæga okkur út af Grandaskýlinu þegar við neituðum að fara út í kuldann, sumir út í dauðann … þið sátuð sem kyrrast í Batman bílnum, skrúfuðu niður rúðuna: „Áfram þið .. haldið áfram því sem þið eruð að gera!“ … Tárin streyma og taugakerfið í mér hvín af raflostum yfir því hvort ég sé að koma einhverjum ykkar í vandræði með orðum mínum … Shit hvað er ömurleg staðreynd að hugsa til þess að fólk geti lent í vandræðum fyrir að fá hrós … Ég bara get ekki setið á mér að opinbera fyrir alþjóð þau kraftaverk sem þið eruð að framkalla! Þegar ég hugsa um hvers vegna ÍSLAND BEST Í HEIMI þá minnist ég þeirra stunda sem ég hef hitt ykkur út á götu og spjallað um daginn og veginn, jafnvel var svo heppinn að fá faðmlag frá varðstjóra eftir að mér var ekið af þrem fylkingum alla leið til Reykjavíkur þar sem ég hafði komið mér í klandur í Þórsmörk … … þau augnablik sem eiginmaður minn af bandarískum uppruna verður vitni að … Andlit hans verður forviða af undrun þar sem samskipti almennings við lögregluna í BNA eru því miður ekki góð. Þetta er algjörlega óþekkt fyrirbæri fyrir honum (svo ég leyfi mér, ekki að tala fyrir hans hönd heldur það sem ég sé í viðbrögðum hans hversu mikið þið eruð landi og þjóð til mikilfenglegs sóma ) … Þjóðarremban sprettur fram í mér við að skrifa þetta .. hvað finnst ykkur Fallegu Hrafnarnir mínir um heimsfrægð íslensku lögreglunnar fyrir kærleika og samkennd? :) Mig langar að ljúka þessum pistli á hjartahlyrri sögu um töfra og fegurð … Ég stóð fyrir utan hús að Hverfisgötu fyrir tveimur árum með tarot spilastokk í hendi … Tvö ykkar komu í miður leiðgjarnt útkall og á meðan annað ykkar var að gera sitt besta að reyna róa kunningja minn niður sem var í annarlegu ástandi gaf ég mig á spjall við Hrafnadís sem stóð á móti mér: „Ég er bara bíða eftir að fá að draga spil!“ Ég uppljómaðist við orð hennar , ég hafði ekki þorað að bjóða henni það þar sem augljóslega var hún að vinna og aðstæður ekki beint á aðra leið en að ég vissi ekki hvort ég ætti að trufla. COMPASSION stóð á spilinu sem hún dróg! Ég kýs að trúa að ég og Fallega Hrafnadísin framkvæmdum töfra þarna saman … ..það er einmitt SAMKENND sem ég hef fundið frá ykkur þegar við höfum átt samskipti … Mig langar að sjá hvort mér takist að gefa ykkur smá af minni og segja að þið eigið stuðningsmann hér megin. Höfum ávallt í huga að Samkennd er að setja sig (reyna) í spor náungans og er allt annað en Samúð … Þið eigið hrósið skilið! Ég veit ekkert um hvort ég tali fyrir hönd Viðmóts eða annarra þegar ég óska ykkur öryggis og velfarnaðar í lífi ykkar og starfi. Allavega langar mig persónulega að óska þess að samvinna okkar geti verið áfram jafn falleg og raunin hefur verið. Allar neikvæðar athugasemdir um Hrafnana mína munu ekki verða liðnar undir þessum pistli. Mun allt slíkt vera fjarlægt. Takk fyrir!!! Mig langar að þið gerið ykkur grein fyrir að þið eruð að taka fullan þátt í að skapa það umhverfi heilunar og samkenndar sem er eina meðalið við erfiðum raunum samfélagsins. Með fullri virðingu, Ragnar Erling Hermannsson Höfundur er einn af stofnendum Viðmóts, samtaka um mannúðlega vímuefnastefnu á Íslandi. Viltu birta grein á Vísi? Sendu okkur póst. Senda grein Lögreglan Málefni heimilislausra Fíkn Mest lesið Miðflokkurinn – Rödd skynseminnar í borginni Ómar Már Jónsson Skoðun Augnablikið Magnús Jóhann Hjartarson Skoðun Sniðgangan á Rapyd slær öll met Björn B. Björnsson Skoðun Virði barna og ungmenna Álfhildur Leifsdóttir,Hólmfríður Jennýjar Árnadóttir Skoðun Sættir þú þig við þetta? Jón Pétur Zimsen Skoðun Ísland gjaldþrota vegna fatlaðs fólks? Alma Ýr Ingólfsdóttir Skoðun Frá Írak til Gaza: Hvað höfum við lært af lygunum og stríðsbröltinu? Helen Ólafsdóttir Skoðun Alþingi gleymir aftur fötluðum börnum Lúðvík Júlíusson Skoðun Pólitískt hugrekki og pólitískt hugleysi: ólík stefna tveggja systurflokka Birgir Finnsson Skoðun Tölum um stóra valdaframsalsmálið Hjörtur J. Guðmundsson Skoðun Skoðun Skoðun Miðflokkurinn – Rödd skynseminnar í borginni Ómar Már Jónsson skrifar Skoðun Virði barna og ungmenna Álfhildur Leifsdóttir,Hólmfríður Jennýjar Árnadóttir skrifar Skoðun Sættir þú þig við þetta? Jón Pétur Zimsen skrifar Skoðun Alþingi gleymir aftur fötluðum börnum Lúðvík Júlíusson skrifar Skoðun Lægri gjöld, fleiri tækifæri Bragi Bjarnason skrifar Skoðun Tölum um stóra valdaframsalsmálið Hjörtur J. Guðmundsson skrifar Skoðun Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson skrifar Skoðun Öflugar varnir krefjast stöndugra fréttamiðla Sigríður Dögg Auðunsdóttir skrifar Skoðun Gott frumvarp, en hvað með verklagið? Bogi Ragnarsson skrifar Skoðun Augnablikið Magnús Jóhann Hjartarson skrifar Skoðun Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir skrifar Skoðun Það þarf ekki að biðjast afsökunar á því að segja satt Þórður Snær Júlíusson skrifar Skoðun Lífeyrissjóðirnir og Íslandsbanki, hluthafafundur á mánudag Bolli Héðinsson skrifar Skoðun „Þegar arkitektinn fer á flug“ - opinber umræða á villigötum Eyrún Arnarsdóttir skrifar Skoðun Heilbrigðiskerfið þarf stjórnvöld með bein í nefinu Svandís Svavarsdóttir skrifar Skoðun Börn eru hvorki veiðigjöld né öryggis- og varnarmál Grímur Atlason skrifar Skoðun Í vörn gegn sjálfum sér? Ólafur Stephensen skrifar Skoðun Mig langar að byggja heim með frið og umlykja með ást Guðmunda G. Guðmundsdóttir skrifar Skoðun Þjóðin stendur með sjúkraliðum Sandra B. Franks skrifar Skoðun Vegið að íslenska lífeyriskerfinu Björgvin Jón Bjarnason,Þóra Eggertsdóttir,Halldór Kristinsson,Guðmundur Svavarsson,Elsa Björk Pétursdóttir,Jón Ólafur Halldórsson,Arnar Hjaltalín skrifar Skoðun Ísland gjaldþrota vegna fatlaðs fólks? Alma Ýr Ingólfsdóttir skrifar Skoðun Veiðigjöld, gaslýsingar og valdníðsla Kristinn Karl Brynjarsson skrifar Skoðun Sniðgangan á Rapyd slær öll met Björn B. Björnsson skrifar Skoðun Pólitískt hugrekki og pólitískt hugleysi: ólík stefna tveggja systurflokka Birgir Finnsson skrifar Skoðun Árið 2023 kemur aldrei aftur Heiðrún Lind Marteinsdóttir skrifar Skoðun Trumpistar eru víða Trausti Breiðfjörð Magnússon skrifar Skoðun Fasteignagjöld eru lág í Reykjavík Sara Björg Sigurðardóttir skrifar Skoðun Gerræðisleg áform í anda Ráðstjórnarríkjanna Guðmundur Fertram Sigurjónsson skrifar Skoðun Opið svar til formanns Samleik- Útsvarsgreiðendur borga leikskólann í Kópavogi! Rakel Ýr Isaksen skrifar Skoðun Nýbakaðir foreldrar og óbökuð loforð Ingveldur Anna Sigurðardóttir skrifar Sjá meira
Ég hef rætt um hvað stuðningur ykkar kæru Íslendingar hefur skipt sköpum á þeirri vegferð sem ég ákvað að halda varðandi heimilislausa og fíknsjúkdóminn. Það er ekki glæta að ég hefði nennt að standa í þessu ef ekki væri fyrir endalausar hvatningar ykkar og staðfestingar að ég sé að gera eitthvað rétt. En þó svo fallegar athugasemdir og peningagjafir séu ómetanlegur hlekkur í þessu ferli þá langar mig að minnast á fólk sem hefur reynst hornsteinn í baráttu okkar. Fyrir utan að sjálfsögðu starfsmenn gistiskýlanna og allra sem styðja okkur og vilja ekkert nema fallegt fyrir okkur … … langar mig að monta mig af ákveðnum hóp samfélagsins … Ég kalla þau Fallegu Svörtu Hrafnana mína! „Ég óska þess að þú farir að ná þér!“ Orð þessa gullfallega manns hafa fylgt mér síðan ég sat, alls ekki allsgáður eftir lokanir skemmtistaða á miðjum Laugavegi sumarið 2020. Batman bíllinn eins og ég kalla vígalegu Volvo bifreiðir þeirra silaðist hægt framhjá og gerði hann sér ferð að skrúfa niður rúðuna og segja þetta við mig. Það var ekki auðvelt að horfa framan í Íslendinga eftir að ég byrjaði aftur að neita vímuefna í apríl 2018 , þið sáuð augljóslega að ég var undir áhrifum eftir að hafa gefið mig út í fjölmiðlum að vera allsgáður s.l. 4 og hálft ár. Vonbrigðin leyndu sér ekki. Það var þarna í miðjum Reykjavíkur sullupollinum sem ég fattaði alvarleika þess að ég var aftur byrjaður að skemma fyrir sjálfum mér. Honum var einlægt ekki sama. Burt séð frá öllum okkar upplifunum varðandi samskipti okkar við lögregluna þá langar mig að sjá hvort við getum sett okkur í þeirra spor (að sjálfsögðu getum við það aldrei)! „Hvað vitum við svosem um hvaða hurðir þau þurfa að opna í sínu starfi?“. Ætli þau fái bónusa fyrir að finna okkur hangandi í snöru eða veifandi að þeim hníf? … ætla leyfa mér að efast þó svo ég viti ekkert um það. Það eru Hrafnarnir sem standa frammi fyrir ömurlegustu og erfiðustu tímum lífs okkar! Og það er á erfiðustu tímum okkar sem við erum ekki þau kurteisustu og ofan á allt álag fá þau öskur og vanþakklæti fyrir að, ætla ég að leyfa mér að segja, sinna skítverkum samfélagsins! Þvílíkar hetjur!!! Alveg eins og með allt í mannlegri flóru þá eru skemmd epli allsstaðar, ég hef oft verið það sjálfur. En ástæða þess að ég skrifa þessi orð er augljóst augnaráð einlægrar löngunar til að hjálpa fólki sem ég sé í andlitum þeirra, sérstaklega á undanförnum mánuðum með fjöldann allan af ungu fólki sem hefur valið þennan, fullkomlega vanmetna vettvang til þjónustu. RESPECT RESPECT RESPECT!!! Ég vona svo sannarlega að þessi orð komi ekki illa við neitt ykkar, Fallegu Hrafnarnir mínir og bið til æðri máttarvalda að fá að koma orðum mínum frá mér á virðingaverðan hátt… …það er a.m.k. ásetningur minn. Það skiptir okkur öll, svo ég tali um þá sem þjást af fíkn stórkostlegu máli að hafa ykkur með í liði. Hvers vegna langar mig að hrósa ykkur fyrir störf ykkar? Ég tala alls ekki aðeins fyrir mína hönd þegar ég nefni dæmi sem ég varð vitni að um daginn á gistiskýlinu á Granda. Af virðingu við lögregluþjóninn sem þar kom til að flytja mjög svo veikan mann upp á geðdeild ætla ég ekki að tilgreina númerið hans þó svo mig langi, frammi fyrir alþjóð að kunngjöra hvað þið sinntuð starfi ykkar af mikilli fagmennsku og samkennd. Mig langaði helst að bresta í grát .. slíkur var kærleikur ykkar beggja sem komuð á þennan vettvang. Sá eiginleiki að ná að róa taugakerfi fólks niður með orðunum einum er ofurkraftur frá Guði sjálfum og það fyllir mig lotningu að vita að svona fólk sé að sinna svo þungu verkefni …. Takk! Það eru svo mörg dæmi sem mig langar að nefna s.s. hvatningar ykkar tveggja sem komuð á vettvang þegar Reykjavíkurborg sendi ykkur til að fjarlæga okkur út af Grandaskýlinu þegar við neituðum að fara út í kuldann, sumir út í dauðann … þið sátuð sem kyrrast í Batman bílnum, skrúfuðu niður rúðuna: „Áfram þið .. haldið áfram því sem þið eruð að gera!“ … Tárin streyma og taugakerfið í mér hvín af raflostum yfir því hvort ég sé að koma einhverjum ykkar í vandræði með orðum mínum … Shit hvað er ömurleg staðreynd að hugsa til þess að fólk geti lent í vandræðum fyrir að fá hrós … Ég bara get ekki setið á mér að opinbera fyrir alþjóð þau kraftaverk sem þið eruð að framkalla! Þegar ég hugsa um hvers vegna ÍSLAND BEST Í HEIMI þá minnist ég þeirra stunda sem ég hef hitt ykkur út á götu og spjallað um daginn og veginn, jafnvel var svo heppinn að fá faðmlag frá varðstjóra eftir að mér var ekið af þrem fylkingum alla leið til Reykjavíkur þar sem ég hafði komið mér í klandur í Þórsmörk … … þau augnablik sem eiginmaður minn af bandarískum uppruna verður vitni að … Andlit hans verður forviða af undrun þar sem samskipti almennings við lögregluna í BNA eru því miður ekki góð. Þetta er algjörlega óþekkt fyrirbæri fyrir honum (svo ég leyfi mér, ekki að tala fyrir hans hönd heldur það sem ég sé í viðbrögðum hans hversu mikið þið eruð landi og þjóð til mikilfenglegs sóma ) … Þjóðarremban sprettur fram í mér við að skrifa þetta .. hvað finnst ykkur Fallegu Hrafnarnir mínir um heimsfrægð íslensku lögreglunnar fyrir kærleika og samkennd? :) Mig langar að ljúka þessum pistli á hjartahlyrri sögu um töfra og fegurð … Ég stóð fyrir utan hús að Hverfisgötu fyrir tveimur árum með tarot spilastokk í hendi … Tvö ykkar komu í miður leiðgjarnt útkall og á meðan annað ykkar var að gera sitt besta að reyna róa kunningja minn niður sem var í annarlegu ástandi gaf ég mig á spjall við Hrafnadís sem stóð á móti mér: „Ég er bara bíða eftir að fá að draga spil!“ Ég uppljómaðist við orð hennar , ég hafði ekki þorað að bjóða henni það þar sem augljóslega var hún að vinna og aðstæður ekki beint á aðra leið en að ég vissi ekki hvort ég ætti að trufla. COMPASSION stóð á spilinu sem hún dróg! Ég kýs að trúa að ég og Fallega Hrafnadísin framkvæmdum töfra þarna saman … ..það er einmitt SAMKENND sem ég hef fundið frá ykkur þegar við höfum átt samskipti … Mig langar að sjá hvort mér takist að gefa ykkur smá af minni og segja að þið eigið stuðningsmann hér megin. Höfum ávallt í huga að Samkennd er að setja sig (reyna) í spor náungans og er allt annað en Samúð … Þið eigið hrósið skilið! Ég veit ekkert um hvort ég tali fyrir hönd Viðmóts eða annarra þegar ég óska ykkur öryggis og velfarnaðar í lífi ykkar og starfi. Allavega langar mig persónulega að óska þess að samvinna okkar geti verið áfram jafn falleg og raunin hefur verið. Allar neikvæðar athugasemdir um Hrafnana mína munu ekki verða liðnar undir þessum pistli. Mun allt slíkt vera fjarlægt. Takk fyrir!!! Mig langar að þið gerið ykkur grein fyrir að þið eruð að taka fullan þátt í að skapa það umhverfi heilunar og samkenndar sem er eina meðalið við erfiðum raunum samfélagsins. Með fullri virðingu, Ragnar Erling Hermannsson Höfundur er einn af stofnendum Viðmóts, samtaka um mannúðlega vímuefnastefnu á Íslandi.
Skoðun Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson skrifar
Skoðun Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir skrifar
Skoðun Vegið að íslenska lífeyriskerfinu Björgvin Jón Bjarnason,Þóra Eggertsdóttir,Halldór Kristinsson,Guðmundur Svavarsson,Elsa Björk Pétursdóttir,Jón Ólafur Halldórsson,Arnar Hjaltalín skrifar
Skoðun Pólitískt hugrekki og pólitískt hugleysi: ólík stefna tveggja systurflokka Birgir Finnsson skrifar
Skoðun Opið svar til formanns Samleik- Útsvarsgreiðendur borga leikskólann í Kópavogi! Rakel Ýr Isaksen skrifar