Erfiður dagur hjá Albert og félögum gegn Atalanta

Leikurinn var tíðindalítill framan af. Atalanta voru meira með boltann og töluvert mæddi á Nicola Leali, markverði Genoa, sem náði að halda marki sínu hreinu fram á 68. mínútu þegar Ademola Lookman kom Atalanta yfir. Markið var skorað í VAR og fékk að lokum að standa.

Genoa eygðu enn von að ná í það minnsta stigi út úr leiknum en í uppbótartíma gerði Ederson út um leikinn með marki. Annað tap Genoa í röð staðreynd, en liðið er í 15. sæti eftir níu leiki með átta stig, fjórum stigum frá fallsæti. 

Atalanta eru aftur á móti í þokkalegum málum í 6. sæti með 16 stig, en 6. sætið er Evrópusæti í ítölsku deildinni.