Erlent

Rýmdu níu þing­hús vegna sprengju­hótana

Bjarki Sigurðsson skrifar
Þinghúsið í Montana er eitt þeirra sem var rýmt.
Þinghúsið í Montana er eitt þeirra sem var rýmt. AP/Thom Bridge

Að minnsta kosti níu bandarísk þinghús voru rýmd í dag vegna sprengjuhótana. Þinghúsin níu má finna á víð og dreif um landið. 

The Guardian greinir frá því að tilkynningar um sprengju hafi borist til þinghússins í Connecticut, Georgíu, Hawaii, Idaho, Kentucky, Maine, Michigan, Mississippi og Montana. Hótanirnar bárust í gegnum tölvupóst til starfsmanna þingsins.

Lögreglumaður fyrir utan þinghúsið í Mississippi eftir rýmingu.AP/Rogelio V. Solis

Alríkislögreglan í Bandaríkjunum, FBI, rannsakar nú málið ásamt fulltrúum frá ríkjunum níu. Í tilkynningu frá FBI segir að ekkert bendi til þess að neinar sprengjur séu í byggingunum. Samt sem áður beri þeim að taka svona hótunum alvarlega. 

Bandaríkin

Mest lesið


Fleiri fréttir

Sjá meira


×

Mest lesið