Okkar KSÍ Ívar Ingimarsson skrifar 29. janúar 2024 07:00 Ég var kosinn í stjórn KSÍ fyrir tveimur árum og er mjög þakklátur fyrir að fá það tækifæri og traust. Ég hef þó ákveðið að bjóða mig ekki fram á komandi þingi. Ég finn að fótboltinn togar í mig og mig langar að láta reyna á að vinnan við hann aftur. Samkvæmt reglum KSÍ má stjórnarmaður ekki vera á launaskrá hjá félagi vegna hagsmunaárekstra sem geta komið upp. Að hafa verið í stjórn KSÍ hefur gefið mér kost á að kynnast starfsemi og starfsfólki sambandsins mun betur og á annan hátt en áður. Og að einhverju leyti hefur það breytt sýn minni á sambandið. Ég áttaði mig fljótt á því að þótt KSÍ sé stórt sérsamband á Íslandi er það pínulítið og fámennt miðað við þau erlendu knattspyrnusambönd sem við erum að keppa við, hvort sem er í fjármagni eða fjölda fólks sem vinnur þar. Hjá KSÍ vinnur samhentur hópur af mjög hæfu fólki sem leggur sig alltaf fram við að þjónusta félags- og landsliðin okkar. Það er m.a. stór ástæða þess að við getum keppt við okkur mun fjölmennari þjóðir og náð góðum árangri. Þetta kostar mikla vinnu og álagið á starfsfólkið er oft mikið þar sem verkefnum hefur fjölgað og kröfurnar eru orðnar meiri en áður. Ég leyfi mér því að efast um að það séu mörg knattspyrnusambönd í heiminum sem veita eins góða þjónustu, halda uppi jafn faglegu starfi og ná eins góðum árangri og KSÍ gerir miðað við fjölda starfsfólks og takmarkað fjármagn. Ég er viss um að óháð athugun myndi leiða það í ljós. Hreyfingin virðist líka almennt vera á því að KSÍ sé að standa sig vel. Það sýnir þjónustukönnun sem var gerð um starfsemi KSÍ en þar kom fram að meira en 70% aðspurðra voru ánægð með samskipti sín við starfsfólk KSÍ. Árangur landsliða okkar á síðustu árum hefur verið eftirtektarverður, við höfum komist á hvert stórmótið á fætur öðru. Þessi árangur gerist ekki að sjálfu sér, en ég tel að árangurinn megi rekja til þess gæfuspors að ráða Lars Lagerbäcksem landsliðsþjálfara karlalandsliðs Íslands. Með þeirri ráðningu var byggt ofan á það góða starf sem fyrir var og starfið í kringum landsliðin okkar varð faglegra, starfsfólki fjölgaði og kröfur um gæði jukust og árangur lét ekki á sér standa. Mér finnst því mjög mikilvægt að staðið sé vörð um þá umgjörð sem vörðuð var í kringum landsliðin á þessu tímabili og ennþá er unnið eftir. ÍTF Það er kosið í stjórn KSÍ með lýðræðislegri kosningu á ársþingi á hverju ári. Á þessu er þó ein undantekning. Frá 2019 hefur fulltrúi ÍTF, Íslensks toppfótbolta, liða í tveimur efstu deildum karla og kvenna, fengið sjálfkrafa sæti í stjórn KSÍ. Fyrst formaður og svo síðar varaformaður ef formaður kemst ekki á fund. Þetta var umdeild ákvörðun á sínum tíma en rökin fyrir þessu voru meðal annars þau að reyna að bæta samskiptin KSÍ og ÍTF. Mín reynsla er sú að þetta hafi verið vond ákvörðun. Fyrir það fyrsta finnst mér prinsipp mál að allir í stjórn KSÍ séu lýðræðislega kosnir á ársþingi KSÍ. Fulltrúi ÍTF er það ekki. Vilji ÍTF sæti í stjórn KSÍ er eðlilegast að fulltrúi þeirra fari sömu leið og aðrir sem bjóða sig fram til kjörs. Í annan stað er KSÍ hagsmunasamtök allra. ÍTF er það ekki og í eðli sínu er fulltrúi ÍTF að vinna fyrir hagsmuni ÍTF innan stjórnar KSÍ. Af þessu leiðir að í ýmsum málum skarast hagsmunir og áherslur KSÍ og ÍTF. Í fullkomnum heimi þar sem traust og góð samskipti eru höfð að leiðarljósi getur þetta gengið upp en þegar svo er ekki getur það gert starf stjórnar KSÍ mjög erfitt. Mín skoðun er því sú að það eigi að klippa á naflastreng KSÍ við ÍTF miðað við núverandi uppsetningu og að ÍTF eigi að standa á eigin fótum án þess að eiga sjálfvirkt sæti í stjórn KSÍ. Að sjálfsögðu er fulltrúa á vegum ÍTF sjálfsagt að bjóða sig fram til stjórnarkjörs og gott samstarf á ávallt að ríkja á milli ÍTF og KSÍ sem byggist á kurteisi og virðingu. Það hafa verið mér mikil vonbrigði að hlusta á aðila innan ÍTF, skammast ítrekað út í KSÍ og flest sem þar fer fram. Uppbyggileg gagnrýni er af hinu góða, en ómálefnaleg gagnrýni,sem stenst ekki skoðun, er það ekki. ÍTF hefur verið duglegt að gagnrýna KSÍ fyrir að auka álögur á félögin og lækka greiðslur til þeirra, og látið í það skína að KSÍ sé að þessu til að bjarga sér fyrir horn vegna lélegrar fjármálastjórnunar. Fulltrúar ÍTF tala um að félögin eigi ekki að borga fyrir framúrkeyrslu á rekstri landsliðanna, og eiga þá m.a. við kostnað sem hlýst af því þegar U19 ára landslið okkar komast í lokakeppni eins og bæði karla og kvenna lið okkar gerðu s.l. sumar. Ég er samt nokkuð viss um að ÍTF muni óski eftir að njóta ábata þess þegar A landsliðin okkar komast aftur á lokakeppni EM eða HM. Það verður ekki bæði haldið og sleppt og við erum öll í þessu saman. Nýr formaður Það liggur fyrir að nýr formaður KSÍ verði kosinn á ársþinginu í febrúar. Þetta er mikilvægt starf sem má líta á sem sameiningartákn fótboltans á Íslandi. Þetta er aðili sem þarf að hafa góðan tíma til að vera í samskiptum við og heimsækja fótboltahreyfinguna út um allt land. Það er í mörg horn að líta og sá/sú sem sinnir starfinu hefur mikið um það að segja hvernig umhverfið í kringum fótboltann hér á landi er. Því er mikilvægt þegar skipt er um formann að það fari fram góð umræða um hvað viðkomandi formannsefni vilji leggja áherslu á í stóru málunum og hvernig hann/hún sér fyrir sér að ná þeim fram þannig að þegar formaður og ný stjórn hefja störf er ekkert sem kemur félögunum sérstaklega á óvart.Hér er ég að tala um mál eins og hvernig þjóðarleikvang við viljum og hvernig við nýtum takmarkaða fjármuni KSÍ. Viljum við 20.000 sæta yfirbyggðan völl eða er 12.000 sæta knattspyrnuvöllur án þaks nóg? Á KSÍ að halda áfram að greiða nær allan dómarakostnað fyrir félögin, ólíkt t.d. nágrannaþjóðum okkar, sem á síðasta ári var um 210 miljónir króna á á meðan ekki eru til fjármunir til að fjölga landsleikjum yngri landsliða okkar svo þeir séu á pari við þjóðir sem við berum okkur gjarnan við? Í dag spila yngri landslið Íslands, U15 til U19, fjörutíu til sextíu prósent færri leiki en viðmiðunarþjóðir okkar sem ég tel að muni koma niður á árangri okkar til lengri tíma. Að lokum KSÍ eru heildarhagsmunasamtök íslenskrar knattspyrnu, allra félagsliða og landsliða. Þetta eru samtök karla og kvenna á öllum aldri, í öllum deildum og flokkum alls staðar af landinu, og þannig held ég að flestir vilji sjá KSÍ starfa áfram. Það er þó ekki sjálfgefið að þetta haldist þannig. Þess vegna er mikilvægt að þessi stóri meirihluti, sem ég tel að sé á þessari skoðun, sitji ekki hjá heldur standi vörð um KSÍ og fyrir það sem það stendur. Áfram Ísland, Höfundur er stjórnarmaður KSÍ og fyrrverandi landsliðsmaður í knattspyrnu. Viltu birta grein á Vísi? Sendu okkur póst. Senda grein KSÍ Fótbolti Mest lesið Opið bréf til Rósu Guðbjartsdóttur Margrét Kristín Blöndal Skoðun Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir Skoðun Verið brjáluð. Ég fer ekki neitt Ian McDonald Skoðun Vönduð vinnubrögð? Heiðrún Lind Marteinsdóttir Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson Skoðun Mikil réttarbót fyrir fatlað fólk mætir hindrunum Kolbrún Áslaugar Baldursdóttir Skoðun Pólítískt hugrekki Unnur Hrefna Jóhannsdóttir Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun Veitingastaðir eru ekki kjarnorkuver Jóhann Páll Jóhannsson Skoðun Vísir að lægri orkureikningi Einar Vilmarsson Skoðun Skoðun Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar Skoðun Pólítískt hugrekki Unnur Hrefna Jóhannsdóttir skrifar Skoðun Vísir að lægri orkureikningi Einar Vilmarsson skrifar Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson skrifar Skoðun Opið bréf til Rósu Guðbjartsdóttur Margrét Kristín Blöndal skrifar Skoðun Mikil réttarbót fyrir fatlað fólk mætir hindrunum Kolbrún Áslaugar Baldursdóttir skrifar Skoðun Verið brjáluð. Ég fer ekki neitt Ian McDonald skrifar Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson skrifar Skoðun Vönduð vinnubrögð? Heiðrún Lind Marteinsdóttir skrifar Skoðun Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir skrifar Skoðun Veitingastaðir eru ekki kjarnorkuver Jóhann Páll Jóhannsson skrifar Skoðun Nýr vegvísir Evrópusambandsins um jafnrétti kynjanna Clara Ganslandt skrifar Skoðun Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir skrifar Skoðun Blaður 35 Gunnar Hólmsteinn Ársælsson skrifar Skoðun Kaldar kveðjur frá forsætisráðherrra til ferðaþjónustunnar Pétur Óskarsson skrifar Skoðun Nú hefst samræmt próf í stærðfræði Sigrún Ólöf Ingólfsdóttir skrifar Skoðun Rangfærslur Viðskiptaráðs Finnbjörn A. Hermannsson skrifar Skoðun Sanngirni í Kópavogsmódelinu Eydís Inga Valsdóttir skrifar Skoðun Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir skrifar Skoðun Skapandi framtíð – forvarnir og félagsstarf í Hafnarfirði Kristín Thoroddsen skrifar Skoðun Upplýsingar um mataræði barna og unglinga á landsvísu eru of gamlar – það er óásættanlegt Birna Þórisdóttir,Sigurbjörg Bjarnadóttir,Inga Þórsdóttir skrifar Skoðun Hvaða orka? Birgir Sverrisson skrifar Skoðun Það skiptir máli hvernig gervigreind er notuð í kennslu Hjörvar Ingi Haraldsson skrifar Skoðun Friðum Eyjafjörð Jana Salóme Ingibjargar Jósepsdóttir skrifar Skoðun Sóknaráætlanir landshlutanna – lykillinn að sterkara Íslandi Páll Snævar Brynjarsson,Sigríður Ó. Kristjánsdóttir,Sveinbjörg Rut Pétursdóttir,Albertína Friðbjörg Elíasdóttir,Bryndís Fiona Ford,Ingunn Jónsdóttir,Berglind Kristinsdóttir,Páll Björgvin Guðmundsson skrifar Skoðun Eflum samstöðuna á kvennaári – Stöndum vörð um mannréttindi Kristín Ástgeirsdóttir skrifar Skoðun Langar þig að vera sjóklár? Steinunn Ása Þorvaldsdóttir,Jakob Frímann Þorsteinsson skrifar Skoðun Við fögnum en gleymum ekki Sandra B. Franks skrifar Skoðun Mun gervigreind skapa stafræna stéttaskiptingu á Íslandi? Björgmundur Guðmundsson skrifar Skoðun Hvorki „allt lokað“ né „allt opið“ Birgir Orri Ásgrímsson skrifar Sjá meira
Ég var kosinn í stjórn KSÍ fyrir tveimur árum og er mjög þakklátur fyrir að fá það tækifæri og traust. Ég hef þó ákveðið að bjóða mig ekki fram á komandi þingi. Ég finn að fótboltinn togar í mig og mig langar að láta reyna á að vinnan við hann aftur. Samkvæmt reglum KSÍ má stjórnarmaður ekki vera á launaskrá hjá félagi vegna hagsmunaárekstra sem geta komið upp. Að hafa verið í stjórn KSÍ hefur gefið mér kost á að kynnast starfsemi og starfsfólki sambandsins mun betur og á annan hátt en áður. Og að einhverju leyti hefur það breytt sýn minni á sambandið. Ég áttaði mig fljótt á því að þótt KSÍ sé stórt sérsamband á Íslandi er það pínulítið og fámennt miðað við þau erlendu knattspyrnusambönd sem við erum að keppa við, hvort sem er í fjármagni eða fjölda fólks sem vinnur þar. Hjá KSÍ vinnur samhentur hópur af mjög hæfu fólki sem leggur sig alltaf fram við að þjónusta félags- og landsliðin okkar. Það er m.a. stór ástæða þess að við getum keppt við okkur mun fjölmennari þjóðir og náð góðum árangri. Þetta kostar mikla vinnu og álagið á starfsfólkið er oft mikið þar sem verkefnum hefur fjölgað og kröfurnar eru orðnar meiri en áður. Ég leyfi mér því að efast um að það séu mörg knattspyrnusambönd í heiminum sem veita eins góða þjónustu, halda uppi jafn faglegu starfi og ná eins góðum árangri og KSÍ gerir miðað við fjölda starfsfólks og takmarkað fjármagn. Ég er viss um að óháð athugun myndi leiða það í ljós. Hreyfingin virðist líka almennt vera á því að KSÍ sé að standa sig vel. Það sýnir þjónustukönnun sem var gerð um starfsemi KSÍ en þar kom fram að meira en 70% aðspurðra voru ánægð með samskipti sín við starfsfólk KSÍ. Árangur landsliða okkar á síðustu árum hefur verið eftirtektarverður, við höfum komist á hvert stórmótið á fætur öðru. Þessi árangur gerist ekki að sjálfu sér, en ég tel að árangurinn megi rekja til þess gæfuspors að ráða Lars Lagerbäcksem landsliðsþjálfara karlalandsliðs Íslands. Með þeirri ráðningu var byggt ofan á það góða starf sem fyrir var og starfið í kringum landsliðin okkar varð faglegra, starfsfólki fjölgaði og kröfur um gæði jukust og árangur lét ekki á sér standa. Mér finnst því mjög mikilvægt að staðið sé vörð um þá umgjörð sem vörðuð var í kringum landsliðin á þessu tímabili og ennþá er unnið eftir. ÍTF Það er kosið í stjórn KSÍ með lýðræðislegri kosningu á ársþingi á hverju ári. Á þessu er þó ein undantekning. Frá 2019 hefur fulltrúi ÍTF, Íslensks toppfótbolta, liða í tveimur efstu deildum karla og kvenna, fengið sjálfkrafa sæti í stjórn KSÍ. Fyrst formaður og svo síðar varaformaður ef formaður kemst ekki á fund. Þetta var umdeild ákvörðun á sínum tíma en rökin fyrir þessu voru meðal annars þau að reyna að bæta samskiptin KSÍ og ÍTF. Mín reynsla er sú að þetta hafi verið vond ákvörðun. Fyrir það fyrsta finnst mér prinsipp mál að allir í stjórn KSÍ séu lýðræðislega kosnir á ársþingi KSÍ. Fulltrúi ÍTF er það ekki. Vilji ÍTF sæti í stjórn KSÍ er eðlilegast að fulltrúi þeirra fari sömu leið og aðrir sem bjóða sig fram til kjörs. Í annan stað er KSÍ hagsmunasamtök allra. ÍTF er það ekki og í eðli sínu er fulltrúi ÍTF að vinna fyrir hagsmuni ÍTF innan stjórnar KSÍ. Af þessu leiðir að í ýmsum málum skarast hagsmunir og áherslur KSÍ og ÍTF. Í fullkomnum heimi þar sem traust og góð samskipti eru höfð að leiðarljósi getur þetta gengið upp en þegar svo er ekki getur það gert starf stjórnar KSÍ mjög erfitt. Mín skoðun er því sú að það eigi að klippa á naflastreng KSÍ við ÍTF miðað við núverandi uppsetningu og að ÍTF eigi að standa á eigin fótum án þess að eiga sjálfvirkt sæti í stjórn KSÍ. Að sjálfsögðu er fulltrúa á vegum ÍTF sjálfsagt að bjóða sig fram til stjórnarkjörs og gott samstarf á ávallt að ríkja á milli ÍTF og KSÍ sem byggist á kurteisi og virðingu. Það hafa verið mér mikil vonbrigði að hlusta á aðila innan ÍTF, skammast ítrekað út í KSÍ og flest sem þar fer fram. Uppbyggileg gagnrýni er af hinu góða, en ómálefnaleg gagnrýni,sem stenst ekki skoðun, er það ekki. ÍTF hefur verið duglegt að gagnrýna KSÍ fyrir að auka álögur á félögin og lækka greiðslur til þeirra, og látið í það skína að KSÍ sé að þessu til að bjarga sér fyrir horn vegna lélegrar fjármálastjórnunar. Fulltrúar ÍTF tala um að félögin eigi ekki að borga fyrir framúrkeyrslu á rekstri landsliðanna, og eiga þá m.a. við kostnað sem hlýst af því þegar U19 ára landslið okkar komast í lokakeppni eins og bæði karla og kvenna lið okkar gerðu s.l. sumar. Ég er samt nokkuð viss um að ÍTF muni óski eftir að njóta ábata þess þegar A landsliðin okkar komast aftur á lokakeppni EM eða HM. Það verður ekki bæði haldið og sleppt og við erum öll í þessu saman. Nýr formaður Það liggur fyrir að nýr formaður KSÍ verði kosinn á ársþinginu í febrúar. Þetta er mikilvægt starf sem má líta á sem sameiningartákn fótboltans á Íslandi. Þetta er aðili sem þarf að hafa góðan tíma til að vera í samskiptum við og heimsækja fótboltahreyfinguna út um allt land. Það er í mörg horn að líta og sá/sú sem sinnir starfinu hefur mikið um það að segja hvernig umhverfið í kringum fótboltann hér á landi er. Því er mikilvægt þegar skipt er um formann að það fari fram góð umræða um hvað viðkomandi formannsefni vilji leggja áherslu á í stóru málunum og hvernig hann/hún sér fyrir sér að ná þeim fram þannig að þegar formaður og ný stjórn hefja störf er ekkert sem kemur félögunum sérstaklega á óvart.Hér er ég að tala um mál eins og hvernig þjóðarleikvang við viljum og hvernig við nýtum takmarkaða fjármuni KSÍ. Viljum við 20.000 sæta yfirbyggðan völl eða er 12.000 sæta knattspyrnuvöllur án þaks nóg? Á KSÍ að halda áfram að greiða nær allan dómarakostnað fyrir félögin, ólíkt t.d. nágrannaþjóðum okkar, sem á síðasta ári var um 210 miljónir króna á á meðan ekki eru til fjármunir til að fjölga landsleikjum yngri landsliða okkar svo þeir séu á pari við þjóðir sem við berum okkur gjarnan við? Í dag spila yngri landslið Íslands, U15 til U19, fjörutíu til sextíu prósent færri leiki en viðmiðunarþjóðir okkar sem ég tel að muni koma niður á árangri okkar til lengri tíma. Að lokum KSÍ eru heildarhagsmunasamtök íslenskrar knattspyrnu, allra félagsliða og landsliða. Þetta eru samtök karla og kvenna á öllum aldri, í öllum deildum og flokkum alls staðar af landinu, og þannig held ég að flestir vilji sjá KSÍ starfa áfram. Það er þó ekki sjálfgefið að þetta haldist þannig. Þess vegna er mikilvægt að þessi stóri meirihluti, sem ég tel að sé á þessari skoðun, sitji ekki hjá heldur standi vörð um KSÍ og fyrir það sem það stendur. Áfram Ísland, Höfundur er stjórnarmaður KSÍ og fyrrverandi landsliðsmaður í knattspyrnu.
Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir Skoðun
Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson Skoðun
Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun
Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar
Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson skrifar
Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson skrifar
Skoðun Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir skrifar
Skoðun Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir skrifar
Skoðun Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir skrifar
Skoðun Upplýsingar um mataræði barna og unglinga á landsvísu eru of gamlar – það er óásættanlegt Birna Þórisdóttir,Sigurbjörg Bjarnadóttir,Inga Þórsdóttir skrifar
Skoðun Sóknaráætlanir landshlutanna – lykillinn að sterkara Íslandi Páll Snævar Brynjarsson,Sigríður Ó. Kristjánsdóttir,Sveinbjörg Rut Pétursdóttir,Albertína Friðbjörg Elíasdóttir,Bryndís Fiona Ford,Ingunn Jónsdóttir,Berglind Kristinsdóttir,Páll Björgvin Guðmundsson skrifar
Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir Skoðun
Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson Skoðun
Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun