Ís­lenskur læknir kom til bjargar þegar á­horf­andi hneig niður í bronsleiknum

Svíþjóð og Þýskaland léku um bronsverðlaun á Evrópumótinu í handbolta fyrr í dag. Svíar hrepptu hnossið gegn lærisveinum Alfreðs Gíslasonar, lokatölur 34-31. 

Leikurinn var stöðvaður í langan tíma í fyrri hálfleik meðan hugað var að áhorfanda sem hafði hnigið niður. Liðslæknar beggja liða voru fljótir að bregðast við og komu honum til aðstoðar. 

Arnar Sigurðsson er liðslæknir Svíþjóðar, hann gekk af vettvangi sæll á svip og faðmaði þýska liðslækninn. Hér fyrir neðan má sjá myndband af atvikinu eins og það birtist í sjónvarpi.