Fyrrum leikmaður Barcelona og nú yfirmaður knattspyrnumála hjá félaginu, Deco, var spurður út í ákvörðun Svíans Lucas Bergvall að velja Tottenham fram yfir Barcelona.
„Við erum með gott og skýrt plan þegar kemur að því að kaupa leikmenn og það plan er að við kaupum bara leikmenn sem vilja virkilega spila fyrir Barcelona,“ byrjaði Deco að segja.
„Við vorum að tala við Bergvall en við vorum líka að skoða önnur ungstirni sem fengu eflaust ekki jafn mikla athygli í fjölmiðlum,“ endaði Deco að segja.
Tottenham tilkynnti formlega um félagaskipti Lucas Bergvall í gærkvöldi eftir að leikmaðurinn gekkst undir læknisskoðun hjá liðinu. Bergvall fagnaði því bæði félagaskiptum í gær sem og 18 ára afmæli sínu.
