Lést af náttúru­legum or­sökum

Eins og greint hefur verið frá stóð leit yfir að Mosley í fjóra daga á grísku eyjunni Symi en eiginkona hans tilkynnti hvarf hans eftir að hann skilaði sér ekki úr gönguferð að miðri eyjunni. Mosley skildi síma sinn eftir á herbergi hjónanna og hélt í einn í ferðina sem varð hans síðasta. Lík hans fannst við grýtta kletta á strandlengju í grennd við krá.

Yfirmaður á krá fann lík Mosley

Upplýsingafulltrúi lögreglu á svæðinu sagði í samtali við fréttastofu BBC að engir áverkar fundust á líki Mosley í krufningunni sem gætu útskýrt andlát læknisins. Samkvæmt krufningunni lést Mosley klukkan fjögur að degi til á miðvikudaginn, stuttu eftir að hann kvaddi eiginkonu sína.

Upptaka úr öryggismyndavél á vettvangi sýnir síðustu stundir Mosley en þar sést hann ganga niður brekku áður en hann hverfur á bak við vegg en stutt frá brekkunni fannst lík Mosley.  

Yfirmaður á krá, skammt frá strandlengjunni þar sem lík Mosley fannst, kom að líkinu eftir að bæjarstjóri eyjunnar tilkynnti starfsfólki að hann hafi séð eitthvað fyrir utan grindverk við kránna.