Í spilaranum má sjá viðtöl fréttastofu við gesti Kringlunnar. Einn var með glænýjan jakka í höndunum og önnur glænýja vetrarskó. Tvær ungar stúlkur sögðu þá að ferð til Kaupmannahafnar frá ömmu og afa hafi verið langbesta jólagjöfin.

Jólagjafirnar í ár hittu beint í mark ef marka má gesti Kringlunnar sem fréttastofa náði tali af. Flestir sem voru mættir til að skipta gjöfum þurfu að skipta yfir í rétta stærð en aðrir skiptu bókum sem þeir fengu tvö, eða jafnvel þrjú eintök af.
Í spilaranum má sjá viðtöl fréttastofu við gesti Kringlunnar. Einn var með glænýjan jakka í höndunum og önnur glænýja vetrarskó. Tvær ungar stúlkur sögðu þá að ferð til Kaupmannahafnar frá ömmu og afa hafi verið langbesta jólagjöfin.
Framkvæmdastjóri Neytendasamtakanna vill benda neytendum á að þeir eigi mun ríkari og rýmri skilarétt ef vörurnar sem þeir vilja skila hafa verið keyptar á netinu fremur en í hefðbundnum verslunum. Neytandi á að geta skilað vöru sem keypt er á netinu fjórtán dögum eftir að hann fær hana í hendur.
Airfryer hitablástursofn er jólagjöf ársins samkvæmt könnun sem ELKO gerði nú í aðdraganda undirbúnings jóla. Í öðru sæti er snjallsími og PS5 leikjatölvan í því þriðja. Þá sýnir það sig að upp til hópa gefur fólk margar gjafir. Tæpur helmingur segist gefa fleiri en 10 jólagjafir og tæpur þriðjungur gefur sjö til tíu gjafir.