Segir einhverfu og ADHD hafa hjálpað sér á toppinn Sindri Sverrisson skrifar 19. mars 2025 07:30 Lucy Bronze fagnar eftir að hafa skorað gegn Svíum í undanúrslitaleiknum á EM 2022, þar sem England endaði á að verða Evrópumeistari. AFP/JUSTIN TALLIS Lucy Bronze segist í raun alltaf hafa vitað að hún væri einhverf en hún fékk ekki greiningu fyrr en árið 2021, árið eftir að FIFA valdi hana bestu knattspyrnukonu heims. Hún segir einhverfuna hafa hjálpað sér upp í hæstu hæðir fótboltans. Bronze hefur um árabil verið í hópi bestu knattspyrnukvenna heims og unnið flest sem hægt er að vinna. Hún er til að mynda ríkjandi Evrópumeistari með enska landsliðinu, vann Meistaradeild Evrópu tvö síðustu ár með Barcelona og áður þrisvar með Lyon. Bronze, sem fór til Chelsea síðasta sumar, segir móður sína lengi hafa grunað að hún væri með einhverfu og ADHD þó að það væri ekki fyrr en í landsleikjahléi árið 2021 sem að hún fékk greiningu. „Þetta var eitthvað sem ég vissi samt í raun alltaf af. Greiningin breytti þannig séð engu en hún opnaði samt augu manns aðeins. Ég lærði meira um sjálfa mig og af hverju ég sé hlutina öðruvísi eða haga mér öðruvísi en annað fólk í ákveðnum aðstæðum,“ segir Bronze í viðtali við BBC. 🗣 "I'm not passionate, I'm just obsessed... that's my autism, it's my superpower." 💪 🦸♀️@LucyBronze discusses her autism and ADHD during #NeurodiversityCelebrationWeek. #BBCFootball pic.twitter.com/BiS5fSEGdO— BBC Sport (@BBCSport) March 19, 2025 „Það var gott að geta sest niður og talað um eiginleika mína og hvaða áhrif þetta hefur á mig, aðstæður sem láta mér líða vel eða illa. Það var svona það sem lét allt smella í hausnum á mér og mér leið mun betur,“ segir Bronze. Í viðtalinu segist hún hafa hermt eftir hegðun annarra allan þrítugsaldurinn, til að fela einhverfuna, en slík hegðun getur haft alvarlegar afleiðingar á andlega heilsu. Hermdi eftir Jill Scott „Þegar ég kom fyrst í enska landsliðið þá gat ég ekki talað við neinn. Ég man að Casey Stoney sagði við mig: „Þú horfir aldrei í augun á mér þegar við tölum saman“ og ég var bara „það er ert ekki þú heldur ég“. Ég fylgdist með Jill Scott og hvernig hún talaði við fólk. Ég hugsaði með mér að ég gæti hermt eftir henni. Ég er betri í því núna en mér líður samt svolítið óþægilega stundum. Það að faðma fólk og ná augnsambandi þegar maður talar er eitthvað sem ég þurfti að læra því fólki finnst það eðlilegt en mér fannst það svo erfitt,“ segir Bronze. Lucy Bronze slær á létta strengi með verðlaunagripinn eftir að hafa unnið Meistaradeild Evrópu með Barcelona.AP/Martin Meissner Núna skilji fólkið í kringum hana hins vegar að hún vilji ekki faðmlög og að það dæmi hana ekki fyrir það. Þráhyggja frekar en ástríða Eins og fyrr segir þá hefur Bronze unnið flest sem hægt er að vinna í fótbolta og hún segir einhverfuna og ADHD hafa hjálpað sér að verða ein besta knattspyrnukona heims. „Fólk segir að ég hafi svo mikla ástríðu fyrir fótbolta og nái þannig að vera ofureinbeitt. Ég veit ekki hvort ég myndi kalla þetta ástríðu. Ég er með þráhyggju [fyrir fótbolta]. Það er einhverfan mín, ofurfókus á fótbolta,“ segir Bronze sem er orðin 33 ára og hefur spilað í meistaraflokki í 17 ár en lætur engan bilbug á sér finna. „Það er mjög gott varðandi ADHD og einhverfu að æfa. Að geta einbeitt sér og verið á hreyfingu. Það er magnað fyrir mig að æfa á hverjum degi. Sumar af hinum stelpunum segja bara: „Ertu viss um að þú sért 33 ára því þú hættir bara ekki?“ Allt það sem fylgir einhverfunni hefur hjálpað mér.“ Fótbolti Mest lesið Umfjöllun: Kósovó - Ísland 2-1 | Rándýr mistök og tap í fyrsta leik Arnars Fótbolti Er betra fyrir Ísland að vinna eða tapa? Fótbolti Efnilegur táningur lést og fjölskyldan krefst svara Fótbolti Leikdagur með Gumma og Kjartani: Lá við milliríkjadeilu á pizzastað í Kósovó Fótbolti Steini stendur með stráknum: „Hann er mjög vel upp alinn“ Fótbolti Sauð á pabba Axels sem rauk heim af KR-leikjum Íslenski boltinn Fyrsta byrjunarlið Arnars: Ísak og Hákon fyrir framan þrjá reynslubolta Fótbolti Eddie Jordan látinn Formúla 1 Frekar til í að borga himinháa sekt en að kaupa Sancho Enski boltinn Celtics selt sem dýrasta félag í sögu Bandaríkjanna Körfubolti Fleiri fréttir „Besta lausnin væri að vera með tvo Hákona“ en Gylfi gæti líka leyst hlutverkið „Ungu leikmennirnir þurfa að læra og læra mjög fljótt“ „Mér fannst hann brjóta á mér“ „Ég hef ekki miklar áhyggjur“ „Vitum að svona getur gerst þegar áherslurnar eru eins og þær eru“ Sigurvegarinn verður með Íslandi í riðli: Króatar unnu fyrri leikinn gegn Frökkum Fagnaði eins og Ronaldo fyrir framan Ronaldo Umfjöllun: Kósovó - Ísland 2-1 | Rándýr mistök og tap í fyrsta leik Arnars Orri skoraði í fyrsta leiknum sem fyrirliði Fyrsta byrjunarlið Arnars: Ísak og Hákon fyrir framan þrjá reynslubolta Stuðningsmenn Barcelona þurfa að bíða lengur eftir nýja Nývanginum Tuchel segir að Englendinga hafi vantað stefnu, takt, frelsi og hungur á EM Efnilegur táningur lést og fjölskyldan krefst svara Sauð á pabba Axels sem rauk heim af KR-leikjum Japan fyrsta þjóðin til að vinna sig inn á HM Leikdagur með Gumma og Kjartani: Lá við milliríkjadeilu á pizzastað í Kósovó Púllarinn dregur sig úr hópnum Mikael mjög leiður: „Var búinn að ætla honum stórt hlutverk" Breyta ekki því sem virkar „Vil ekki vinna á kostnað þess að það verði engar framfarir“ „Búnar að vera dálítið skrýtnar vikur“ „Myndi ekki einu sinni segja að þetta hafi verið draumur" Sjö leikmenn Íslands á hálum ís Steini stendur með stráknum: „Hann er mjög vel upp alinn“ Er betra fyrir Ísland að vinna eða tapa? Frekar til í að borga himinháa sekt en að kaupa Sancho Slakir vellir ógna öryggi kvenkyns leikmanna Þjálfaralaust Man City lagði óvænt Chelsea Sara Björk fyrirliði í súru tapi í bikarúrslitum Sveindís Jane kom inn af bekknum þegar einvígið var svo gott sem búið Sjá meira
Bronze hefur um árabil verið í hópi bestu knattspyrnukvenna heims og unnið flest sem hægt er að vinna. Hún er til að mynda ríkjandi Evrópumeistari með enska landsliðinu, vann Meistaradeild Evrópu tvö síðustu ár með Barcelona og áður þrisvar með Lyon. Bronze, sem fór til Chelsea síðasta sumar, segir móður sína lengi hafa grunað að hún væri með einhverfu og ADHD þó að það væri ekki fyrr en í landsleikjahléi árið 2021 sem að hún fékk greiningu. „Þetta var eitthvað sem ég vissi samt í raun alltaf af. Greiningin breytti þannig séð engu en hún opnaði samt augu manns aðeins. Ég lærði meira um sjálfa mig og af hverju ég sé hlutina öðruvísi eða haga mér öðruvísi en annað fólk í ákveðnum aðstæðum,“ segir Bronze í viðtali við BBC. 🗣 "I'm not passionate, I'm just obsessed... that's my autism, it's my superpower." 💪 🦸♀️@LucyBronze discusses her autism and ADHD during #NeurodiversityCelebrationWeek. #BBCFootball pic.twitter.com/BiS5fSEGdO— BBC Sport (@BBCSport) March 19, 2025 „Það var gott að geta sest niður og talað um eiginleika mína og hvaða áhrif þetta hefur á mig, aðstæður sem láta mér líða vel eða illa. Það var svona það sem lét allt smella í hausnum á mér og mér leið mun betur,“ segir Bronze. Í viðtalinu segist hún hafa hermt eftir hegðun annarra allan þrítugsaldurinn, til að fela einhverfuna, en slík hegðun getur haft alvarlegar afleiðingar á andlega heilsu. Hermdi eftir Jill Scott „Þegar ég kom fyrst í enska landsliðið þá gat ég ekki talað við neinn. Ég man að Casey Stoney sagði við mig: „Þú horfir aldrei í augun á mér þegar við tölum saman“ og ég var bara „það er ert ekki þú heldur ég“. Ég fylgdist með Jill Scott og hvernig hún talaði við fólk. Ég hugsaði með mér að ég gæti hermt eftir henni. Ég er betri í því núna en mér líður samt svolítið óþægilega stundum. Það að faðma fólk og ná augnsambandi þegar maður talar er eitthvað sem ég þurfti að læra því fólki finnst það eðlilegt en mér fannst það svo erfitt,“ segir Bronze. Lucy Bronze slær á létta strengi með verðlaunagripinn eftir að hafa unnið Meistaradeild Evrópu með Barcelona.AP/Martin Meissner Núna skilji fólkið í kringum hana hins vegar að hún vilji ekki faðmlög og að það dæmi hana ekki fyrir það. Þráhyggja frekar en ástríða Eins og fyrr segir þá hefur Bronze unnið flest sem hægt er að vinna í fótbolta og hún segir einhverfuna og ADHD hafa hjálpað sér að verða ein besta knattspyrnukona heims. „Fólk segir að ég hafi svo mikla ástríðu fyrir fótbolta og nái þannig að vera ofureinbeitt. Ég veit ekki hvort ég myndi kalla þetta ástríðu. Ég er með þráhyggju [fyrir fótbolta]. Það er einhverfan mín, ofurfókus á fótbolta,“ segir Bronze sem er orðin 33 ára og hefur spilað í meistaraflokki í 17 ár en lætur engan bilbug á sér finna. „Það er mjög gott varðandi ADHD og einhverfu að æfa. Að geta einbeitt sér og verið á hreyfingu. Það er magnað fyrir mig að æfa á hverjum degi. Sumar af hinum stelpunum segja bara: „Ertu viss um að þú sért 33 ára því þú hættir bara ekki?“ Allt það sem fylgir einhverfunni hefur hjálpað mér.“
Fótbolti Mest lesið Umfjöllun: Kósovó - Ísland 2-1 | Rándýr mistök og tap í fyrsta leik Arnars Fótbolti Er betra fyrir Ísland að vinna eða tapa? Fótbolti Efnilegur táningur lést og fjölskyldan krefst svara Fótbolti Leikdagur með Gumma og Kjartani: Lá við milliríkjadeilu á pizzastað í Kósovó Fótbolti Steini stendur með stráknum: „Hann er mjög vel upp alinn“ Fótbolti Sauð á pabba Axels sem rauk heim af KR-leikjum Íslenski boltinn Fyrsta byrjunarlið Arnars: Ísak og Hákon fyrir framan þrjá reynslubolta Fótbolti Eddie Jordan látinn Formúla 1 Frekar til í að borga himinháa sekt en að kaupa Sancho Enski boltinn Celtics selt sem dýrasta félag í sögu Bandaríkjanna Körfubolti Fleiri fréttir „Besta lausnin væri að vera með tvo Hákona“ en Gylfi gæti líka leyst hlutverkið „Ungu leikmennirnir þurfa að læra og læra mjög fljótt“ „Mér fannst hann brjóta á mér“ „Ég hef ekki miklar áhyggjur“ „Vitum að svona getur gerst þegar áherslurnar eru eins og þær eru“ Sigurvegarinn verður með Íslandi í riðli: Króatar unnu fyrri leikinn gegn Frökkum Fagnaði eins og Ronaldo fyrir framan Ronaldo Umfjöllun: Kósovó - Ísland 2-1 | Rándýr mistök og tap í fyrsta leik Arnars Orri skoraði í fyrsta leiknum sem fyrirliði Fyrsta byrjunarlið Arnars: Ísak og Hákon fyrir framan þrjá reynslubolta Stuðningsmenn Barcelona þurfa að bíða lengur eftir nýja Nývanginum Tuchel segir að Englendinga hafi vantað stefnu, takt, frelsi og hungur á EM Efnilegur táningur lést og fjölskyldan krefst svara Sauð á pabba Axels sem rauk heim af KR-leikjum Japan fyrsta þjóðin til að vinna sig inn á HM Leikdagur með Gumma og Kjartani: Lá við milliríkjadeilu á pizzastað í Kósovó Púllarinn dregur sig úr hópnum Mikael mjög leiður: „Var búinn að ætla honum stórt hlutverk" Breyta ekki því sem virkar „Vil ekki vinna á kostnað þess að það verði engar framfarir“ „Búnar að vera dálítið skrýtnar vikur“ „Myndi ekki einu sinni segja að þetta hafi verið draumur" Sjö leikmenn Íslands á hálum ís Steini stendur með stráknum: „Hann er mjög vel upp alinn“ Er betra fyrir Ísland að vinna eða tapa? Frekar til í að borga himinháa sekt en að kaupa Sancho Slakir vellir ógna öryggi kvenkyns leikmanna Þjálfaralaust Man City lagði óvænt Chelsea Sara Björk fyrirliði í súru tapi í bikarúrslitum Sveindís Jane kom inn af bekknum þegar einvígið var svo gott sem búið Sjá meira