Juventus-parið hætt saman

Lehmann var áður í sambandi með samherja sínum í svissneska landsliðinu, Ramonu Bachmann, en byrjaði með Luiz 2021. Þau hættu saman um tíma en byrjuðu svo saman á ný í fyrra.

Þá sömdu þau bæði við Juventus eftir að hafa leikið með Aston Villa þar á undan.

Kvennalið Juventus varð ítalskur meistari á dögunum en öllu verr hefur gengið hjá karlaliðinu sem er í 4. sæti ítölsku úrvalsdeildarinnar.

Lehmann fagnaði kvenna mest eftir að Juventus tryggði sér ítalska meistaratitilinn sem ýmsir býsnuðust yfir, enda hefur hún spilað lítið með liðinu á tímabilinu.

Búist er við því að Lehmann verði áfram hjá Juventus en talið er líklegt að Luiz rói á önnur mið eftir tímabilið. Hann hefur átt erfitt uppdráttar í svarthvíta búningnum og aðeins spilað 23 leiki í vetur.

Lehmann er gríðarlega vinsæl á samfélagsmiðlum en hún er með 16,4 milljónir fylgjenda á Instagram.