Innlent

Ó­skýrt hvort loftbyssuskot að hin­segin fólki hafi verið hatursglæpur

Sólrún Dögg Jósefsdóttir skrifar
Verkefnastýra Samtakanna 78 segir að undanfarin tvö til þrjú ár hafi tilkynningum um mögulega hatursglæpi gegn hinsegin fólki fjölgað.
Verkefnastýra Samtakanna 78 segir að undanfarin tvö til þrjú ár hafi tilkynningum um mögulega hatursglæpi gegn hinsegin fólki fjölgað. Vísir/Vilhelm

Hópur hinsegin og trans fólks var að stíga út úr leigubíl á Laugaveginum í gær þegar skotið var að honum úr loftbyssu. Samskipta- og kynningarstýra Samtakanna 78 segir óskýrt hvort um hatursglæp hafi verið að ræða en tilkynnir málið engu að síður til lögreglu. 

Meðlimur á Facebook hópnum Hinseginspjallinu segir frá því að hún hafi verið á göngu með hinsegin og trans fólki þegar skotið var í kinn hennar með loftbyssu eða sams konar tóli. 

Þorbjörg Þorvaldsdóttir samskipta- og kynningarstýra Samtakanna 78 heldur utan um tilkynningar um mögulega hatursglæpi gegn hinsegin fólki og kemur þeim áleiðis.

Hún segir í samtali við fréttastofu að ekki sé hægt að fullyrða hvort um hatursglæp hafi verið að ræða eða ekki, þar sem viðkomandi hafi ekki hrópað neitt áður en hann hleypti af. Oft gangi hatursglæpir svoleiðis fyrir sig. Málið sé því óskýrt. 

„Þetta gæti alveg hafa verið handahófskennd árás en auðvitað er upplifunin sú að fólk gerir ráð fyrir því, fyrr en áður, að þetta snúist um hinseginleika.“




Fleiri fréttir

Sjá meira


×