Fótbolti

Gerðu marka­laust jafn­tefli við Brasilíu­menn

Óskar Ófeigur Jónsson skrifar
Ólafur Ingi Skúlason er þjálfari U21 landsliðs karla í fótbolta.
Ólafur Ingi Skúlason er þjálfari U21 landsliðs karla í fótbolta. Vísir/Sigurjón

Íslenska 21 árs landsliðið í fótbolta gerði í kvöld markalaust jafntefli við tuttugu ára lið Brasilíumanna í vináttulandsleik sem fór fram á Petrosport Stadium í Kaíró í Egyptalandi.

Þetta er fyrri leikur íslenska liðsins í þessari æfingaferð en hinn er á móti Kólumbíu á sama leikvangi sunnudaginn 8. júní.

Þetta er í fyrsta skipti sem Ísland mætir þessum þjóðum í þessum aldursflokki.

Ólafur Ingi Skúlason er þjálfari íslenska liðsins og hann var sá fyrsti sem nær einhverju út úr landsleik á móti Brasilíu.

Karlalandsliðið hefur mætt Brasilíu tvisvar og tapað í bæði skiptin og kvennalandsliðið tapaði líka sínum eina leik á móti Brasilíu.

Landslið karla í fótbolta

Mest lesið


Fleiri fréttir

Sjá meira


×

Mest lesið