Hlakkar til að mæta syni Eiðs Smára

„Ég man val eftir Eiði, frábær leikmaður og frábær persóna. Ég veit ekki hvort hann verður á leiknum en það væri gaman að hitta hann. Sonur hans er auðvitað hérna og ég hef séð hann, það er gaman að svona fótboltafjölskyldum“ sagði Clarke í viðtali við Val Pál Eiríksson sem má sjá hér fyrir neðan.

Steve Clarke var leikmaður Chelsea á tíunda áratug síðustu aldar og varð síðan aðstoðarþjálfari liðsins þegar José Mourinho tók við störfum sumarið 2004. 

Saman unnu Clarke og Mourinho ensku úrvalsdeildina í tvígang næstu tvö tímabil, með Eið Smára og Jimmy Floyd Hasselbaink í fremstu víglínu, Frank Lampard og fleiri góða menn fyrir aftan.

Andri Lucas Guðjohnsen var þá ekki nema smábarn en nú um tuttugu árum síðar leiðir hann íslensku framlínuna gegn lærisveinum Steve Clarke.

„Fram á við er liðið mjög öflugt, þeir setja marga menn í teiginn. Ég vona, og held, að þetta verði hörkuleikur á Hampden“ sagði Clarke.

Leikur Skotlands og Íslands er klukkan 18:45 í kvöld. Leikurinn verður sýndur beint á Stöð 2 Sport og hefst útsending klukkan 18:20.