Elías Rafn: Gaman að spila fyrir lands­liðið aftur

„Það er ógeðslega gaman að spila fyrir landsliðið aftur og mér líður frábærlega,“ sagði Elías Rafn.

„Ég fékk að vita að ég myndi spila einn af leikjunum. Undirbúningurinn fyrir það gekk fínt. Það er ógeðslega gaman að mæta hérna með strákunum og fá að spila aftur,“ sagði Elías Rafn.

Var fiðringur þegar hann labbaði inn á Hampden Park.

„Já heldur betur. Þetta er sögulegur völlur og það er gaman að spila hér. Það voru mörg þúsund manns á vellinum og þetta var æðislegt,“ sagði Elías Rafn.

Elías varði nokkrum sinnum mjög vel í leiknum.

„Það er ekki verra, það er alltaf gaman af því,“ sagði Elías Rafn en hvernig sér hann fyrir sér samkeppnina um markvarðarstöðu landsliðsins.

„Við Hákon vinnum frábærlega saman og erum góðir félagar. Það er mikilvægt að svona markmannsteymi gangi upp. Þetta er sérstakt því það er ekki oft sem, samkeppnisaðilar eru góðir vinir. Við verum að berjast um stöðuna en styðjum hvorn annan hundrað prósent,“ sagði Elías Rafn.