Fótbolti

Atletico Madrid situr eftir þrátt fyrir sigur

Óskar Ófeigur Jónsson skrifar
Antoine Griezmann skoraði sigurmark Atletico Madrid en liðið þurfti fleiri mörk og fékk svo sannarlega tækifærin til að skora fleiri.
Antoine Griezmann skoraði sigurmark Atletico Madrid en liðið þurfti fleiri mörk og fékk svo sannarlega tækifærin til að skora fleiri. Getty/Harry How

Franska félagið Paris Saint-Germain og brasilíska félagið Botafogo tryggðu sér í kvöld sæti í sextán liða úrslitum heimsmeistarakeppni félagsliða í Bandaríkjunum en spænska liðið Atletico Madrid er hins vegar úr leik.

Paris Saint-Germain vann 2-0 sigur á bandaríska félaginu Seattle Sounders og tryggði sér sigur í riðlinum.

Khvicha Kvaratskhelia skoraði fyrra markið PSG á 35. mínútu eftir stoðsendingu frá Vitinha.

Achraf Hakimi kom PSG í 2-0 á67. mínútu eftir stoðsendingu frá Bradley Barcola.

Atletico Madrid vann sinn leik 1-0 á móti brasilíska liðinu Botafogo en það dugði ekki til.

Öll liðin urðu jöfn en spænska liðið stóð verst í innbyrðis leikjum eftir 4-0 skellinn á móti PSG.

Antoine Griezmann skoraði sigurmark Atletico á 87. mínútu eftir stoðsendingu frá Julián Álvarez en liðið hefði þurft mun fleiri mörk til að vinna upp tapið á móti Parísarliðinu.

Atletico sótti og sótti í leiknum og var með 3,43 í xG, áætluðum mörkum en skoraði bara eitt mark og það dugði ekki.

HM félagsliða í fótbolta 2025

Mest lesið


Fleiri fréttir

Sjá meira


×

Mest lesið