Love Island-stjörnur komnar í hóp Ís­lands­vina

Brown og Dodard voru báðir keppendur í seríu sjö af vinsælu þáttaröðinni Love Island USA. Þeir hafa báðir lokið keppni í þáttunum og virðast nú nýta tímann í að smakka íslenskan mat og deila ferðasögunni á samfélagsmiðlinum TikTok.

Félagarnir heimsóttu meðal annars Skógafoss, Vík í Mýrdal og í jöklaferð en þar ákvað Dodard að smakka vatn úr jöklinum. 

Þeir félagar gæddu sér einnig á pylsum líkt og flestir ferðamenn sem koma til landsins. Dodard ákvað einnig að fá sér Hlöllabát og Stjörnusnakk.

„Þetta er í laginu eins og stjarna, og ég er stjarna, svo ég ætla að prófa þetta,“ segir Dodar.

Ferðalagi félaganna virðist vera að ljúka og segir Dodard næsta áfangastað vera Miami-borg í Bandaríkjunum.