Araba­ríki og lönd ESB kalla eftir tveggja ríkja lausn og af­vopnun Hamas

Fulltrúar þessara landa skrifuðu undir sjö blaðsíðna yfirlýsingu sem Frakkland og Sádí-Arabía stóðu að baki á ráðstefnu Sameinuðu þjóðanna um tveggja ríkja lausnina í New York frá 27. til 29. júlí.

„Í samhengi þess að binda enda á stríðið í Gasa verður Hamas að binda endi á stjórn sína í Gasa og láta af hendi vopn sín til Palestínskra yfirvalda, með alþjóðlegum skuldbindingum og stuðningi, í samræmi við markmiðið um fullvalda sjálfstætt palestínskt ríki,“ sagði í yfirlýsingunni.

Þá eru árási Hamas á Ísrael þann 7. október 2023 einnig fordæmdar í yfirlýsingunni. Bretar tilkynntu á ráðstefnunni að þeir myndu viðurkenna Palestínu sem sjálfstætt ríki í september nema Ísrael gangist við tveggja ríkja lausninni. Frakkar höfðu tilkynnt hið sama fyrr í síðustu viku.

Frakkar, sem stýra ráðstefnunni með Sádí-Arabíu, kalla hana „bæði sögulega og fordæmalausa“.

„Í fyrsta skiptið hafa Arabaríki og Miðausturlönd fordæmt Hamas, fordæmt 7. október, kallað eftir afvopnun Hamas, kallað eftir brottrekstri þess úr palestínskri ríkisstjórn og greinilega lýst yfir ætlun sinni að koma samskiptum við Ísrael í eðlilegt horf í framtíðinni,“ sagði Jean-Noel Barrot, utanríkisráðherra Frakklands, um yfirlýsinguna.

Ísrael og Bandaríkjamenn tóku ekki þátt í ráðstefnunni.