Mbappé af­greiddi Real Ovi­edo

Real Madrid er með fullt hús stiga og hefur ekki fengið á sig mark eftir tvær fyrstu umferðirnar í spænsku úrvalsdeildinni en liðið lagði Real Ovi­edo á útivelli í kvöld 0-3.

Madrídingar höfðu nánast algjöra yfirburði í leiknum en gekk illa að skapa sér afgerandi færi upp úr þeim aragrúa marktilrauna sem liðið fékk. Markahrókurinn Kylian Mbappé náði þó að koma boltanum í netið í sitthvorum hálfleiknum.

Vini Jr. kom inn á sem varamaður í seinni hálfleik, lagði upp seinna mark Mbappé og skoraði svo þriðja mark Real Madrid til að reka endahnútinn á þægilegan 0-3 sigur gestanna.