Tveir þjóð­varð­liðar skotnir ná­lægt Hvíta húsinu

Tugir viðbragðsaðila eru á vettvangi skotárásarinnar á gatnamótum 17th Street NW og I Street, sem er aðeins einni götu frá Hvíta húsinu. Lögreglan í borginni bendir fólki á að forðast svæðið.

Kristi Noem heimavarnaráðherra staðfestir við fjölmiðla vestanhafs að um þjóðvarðliða sé að ræða. Hún segir að yfirvöld vinni náið með viðbragðsaðilum á svæðinu.

ABC hefur eftir heimildum sínum að meintur árásarmaður hafi verið felldur.

Trump í Flórída

Talsmenn Donalds Trump forseta hafa ekki tjáð sig um málið enn, að undanskildri yfirlýsingu Karoline Leavitte fjölmiðlafulltrúa sem segir að ráðamenn séu meðvitaðir um málið og „fylgist grannt með þessu hörmulega ástandi.“

Leavitt sagði enn fremur að forsetinn hafi verið upplýstur um málið en hann er staddur í heimaríki sínu, Flórída, þar sem hann heldur upp á þakkargjörðarhátíð Bandaríkjamanna.

Frétt verður uppfærð.