Hneysklaður á ó­sönnum orðrómum

Gazzetta dello Sport á Ítalíu er meðal miðla sem greindu frá því um helgina að þau Pulisic og Sweeney væru að stinga saman nefjum. Pulisic sá ástæðu til að svara sögusögnunum á Instagram í dag.

„Vinsamlegast hættið að spinna sögur um einkalíf mitt. Það þarf að draga fjölmiðla til ábyrgðar, þetta getur haft áhrif á líf fólks,“ skrifaði Pulisic sem skoraði eitt marka AC Milan í 3-0 sigri á Verona í dag.

Bæði Pulisic og Sweeney eru í sambandi. Pulisic hefur verið með golfaranum Alexu Melton. Sweeney er með bandaríska kaupsýslumanninum Scooter Braun.