Féll á lyfja­prófi rétt fyrir Ólympíu­leika í heima­landinu

Passler hefur verið dæmd í ótímabunið bann til bráðabirgða eftir að Letrozole og Methanol fundust við sýnatöku.

Letrazole er notað til að lækka estrógen og er vanalega notað í lyfjameðferð við brjóstakrabbameini. Methanol er eiturefni sem er ekki ætlað mannfólki.

Þetta er fyrsta dæmið um ólöglega lyfjanotkun á Vetrarólympíuleikunum 2026 sem hefjast á föstudag.

Passler átti að keppa fyrir heimaþjóðina Ítalíu í fyrsta sinn á sínum ferli, eftir að hafa náð ellefta sætinu á HM í 4x6 kílómetra skíðaskotfimikeppni árið 2024.

Frændi hennar, Johann Passler, varð tvisvar heimsmeistari og vann tvenn bronsverðlaun á Vetrarólympíuleikunum í Calgary í Kanada árið 1988.