Sturla sturlaður af sorg og viður­kenndi fram­hjá­hald í beinni

Norðmaðurinn Lægreid hlaut brons í skíðaskotfimi í dag. Þetta eru fyrstu verðlaun hins 28 ára gamla Lægreid á leikunum en hann vann gull í liðakeppni á leikunum í Peking fyrir fjórum árum.

Hann var tekinn tali af norska ríkismiðlinum NRK eftir afrekið en hann vildi ræða allt annað en afrek sitt eða bronsið.

„Það er manneskja sem mig langar að deila þessu með, sem er líklega ekki að horfa í dag. Fyrir sex mánuðum síðan hitti ég ást lífs mín. Fallegustu og góðhjörtuðustu manneskju í heimi. Fyrir þremur mánuðum síðan gerði ég stærstu mistök lífs míns og hélt framhjá henni,“

„Ég sagði henni frá því fyrir viku síðan. Þetta hefur verið versta vika lífs míns,“ sagði hann við NRK með tárin í augunum.

Hann skýrði ákvörðun sína hvað viðtal dagsins varðar svo frekar:

„Þetta er eitthvað sem ég ákvað í gærkvöldi að ég myndi segja. Sama hvernig það færi. Ég vona að þetta eyðileggi ekki daginn fyrir Johan (Botn, sigurvegara í greininni). Að ég steli athyglinni frá honum,“ segir Lægreid og bætir við:

„Ég vona að ég geri heldur ekki illt verra fyrir hana heima. Þetta er eins konar ástarjátning, að fremja félagslegt sjálfsvíg í sjónvarpinu. En það er bara hún sem ég vil. Svo þetta er skref í átt að því að fá nýtt tækifæri.“

Myndskeið af viðtalinu má sjá hér.