Krist­rún dæmd úr leik en Svíar áttu sviðið

Kristrún fór brautina á 28:29,2 mínútum, og varð 5 mínútum og 40 sekúndum á eftir Ólympíumeistaranum Fridu Karlsson.

Tími Kristrúnar virtist duga til 82. sætis, af 111 keppendum sem skráðir voru til keppni, en Kristrún hefur núna hins vegar verið dæmd úr keppni, samkvæmt úrslitavef alþjóða skíðasambandsins. 

Ekki liggur fyrir nákvæmlega hvað gerðist en ljóst að Kristrún fór á einhverjum tímapunkti út úr brautinni og fæst tími hennar því ekki gildur.

Svíar áttu hins vegar sviðið í dag og þá sérstaklega Frida Karlsson sem var í algjörum sérflokki og vann sín önnur gullverðlaun á leikunum. 

Hún kom í mark á 22:49,2 mínútum og var langt á undan löndu sinni, Ebbu Andersson, sem fékk silfur en hún var 46,6 sekúndum á eftir Karlsson. Hin bandaríska Jessie Diggins tók svo bronsverðlaunin en hún varð þremur sekúndum á eftir Andersson.