Ólympíufarar notuðu yfir tvo smokka á dag

Líkt og greint var frá á Vísi í gær kláruðust þeir 10 þúsund smokkar sem í boði voru í Cortina á aðeins þremur dögum. Ítalski miðillinn La Stampa greindi frá og hafði eftir ónefndum keppanda:

„Birgðirnar kláruðust á aðeins þremur dögum. Þeir lofuðu að það kæmi meira, en hver veit hvenær.“

Úthlutun smokka í Ólympíuþorpum á sér langa hefð. Fyrir vetrarleikana í ár hefur Attilio Fontana, héraðsstjóri Lombardy, látið prenta merki héraðsins á smokkapakkningarnar.

„Heilsan í fyrirrúmi: forvarnir og skynsemi,“ hljómar slagorðið.

Keppendur á Vetrarólympíuleikunum eru um 2.900 og þar af eru 53 prósent karlar, rúmlega 1.500 talsins. Tíu þúsund smokkar gera tæplega sjö smokka að meðaltali á þremur dögum, rúmlega tvo smokka á dag.

Talan er þó eflaust enn hærri, enda er aðeins hluti keppenda í Cortina, á meðan aðrir eru í Mílanó.